رویټرز خبري اژانس راپور ورکړی چې د روسیې د بهرنیو چارو وزارت ویلي، دغه هېواد له چین او پاکستان سره په خبرو کې غواړي چې د مسکو په ناسته کې له افغانستان سره خپلې بشري مرستې اعلان کړي. خو د طالبانو په رسمیت پېژندل په دغه اجنډا کې نشته.

د رویټرز خبري اژانس د راپور پر بنسټ، د روسیې، چین او پاکستاني چارواکو له خبرو وروسته، دغو هېوادونو د مسکو په ناسته کې د بشري مرستو ژمنه کړې ده. د مسکو ناسته نن د روسیې په پلازمېنې مسکو ښار کې جوړېږي.

د سلام‌وطندار پښتو فېسبوک‌پاڼه وڅارئ

د روسیې د بهرنیو چارو وزیر سرګي لاوروف ویلي، دغه هېواد تمه لري چې طالبان به خپلو ژمنو په ځانګړې توګه د ټول‌ګډونه حکومت جوړېدو په اړه ژمنې عملي کړي. هغه زیاته کړې، «د طالبانو په رسمیت پېژندل د بحث موضوع نه ده. مونږ له هغوی سره په اړیکه کې یو. هغوی ته وایو، هغه ژمنې مو چې د واک نیولو پرمهال کړې وې، عملي یې وکړئ.»

بل‌خوا د اسلامي امارت ویاند ذبیح‌الله مجاهد یوې روسۍ رسنۍ ته ویلي، ټاکل شوې چې دوی د مسکو په ناسته کې د نړۍ‌ له هېوادونو د اقتصادي او سیاسي مرستو غوښتنه وکړي.

سلام‌وطندار پر ټویټر هم وڅارئ

له دې وړاندې اسلامي امارت اعلان کړی و چې د رییس الوزرا د دویم مرستیال مولوي عبدالسلام په مشري به د دوی یو پلاوی د مسکو په ناسته کې ګډون وکړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام