د مخابراتو او معلوماتي ټکنالوژۍ وزارت وایي چې د هېواد د مخابراتي پوښښ د پراختیا، لروپرتو سیمو ته د خدماتو د رسولو او د مخابراتي سکتور د لاښه والي لپاره به له خصوصي مخابراتي شرکتونو سره ګډ کار ته دوام ورکړي، څو خلکو ته باکیفیته او پرمختللي خدمات وړاندې شي.
د دغه وزارت وزیر مولوي حمدالله نعماني، دا څرګندونې د افغان بېسیم مخابراتي شرکت له رییس عليالله سروري سره په لیدنه کې کړې دي.
په دې لیدنه کې د هېواد د مخابراتي شبکو د پراختیا او د ارتباطي خدماتو د لا ښه کولو پر موضوعاتو خبرې شوې دي. وزیر ټینګار کړی چې مخابرات د هېواد د پرمختګ له اساسي او حیاتي برخو څخه دي او حکومت ژمن دی چې د نوې ټکنالوژۍ په کارولو سره خلکو ته اسانه او باکیفیته خدمات ورسوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همدارنګه په غونډه کې د قانوني چوکاټ د پیاوړتیا او له مخابراتي شرکتونو سره د دوامداره همکارۍ پر اهمیت هم خبرې شوې دي، او څرګنده شوې چې وزارت به د قوانینو په رڼا کې د خصوصي سکتور ملاتړ ته دوام ورکړي.
په ټولیز ډول، د مخابراتو وزارت وایي چې د مخابراتي سکتور پراختیا د هېواد د اقتصادي او ټولنیز پرمختګ لپاره مهم رول لري او هڅه کوي چې دا برخه لا پیاوړې کړي.