د روسیې د بهرنیو چارو وزارت ویاندې ماریا زاخارووا وايي چې کېیف او د هغه لوېدیځ ملاتړي په داسې دریځ کې نهدي چې د اوکراین د جګړې د حل لپاره شرایط وټاکي.
د روسیې تاس خبري اژانس د نوموړې له قوله ویلي چې مسکو چمتو دی، د اوکراین کړکېچ ژر تر ژره د ډیپلوماټیکو لارو حل کړي، خو د سولې شرایط باید د اوکراین او د هغه د ملاتړ کوونکو له لوري ونه تپل شي.
هغې زیاته کړې چې د اوکراین د ولسمشر ولودېمېر زېلېنسکي لوېدیځ ملاتړي هڅه کوي جګړه اوږده کړي او کېیف لاهم د روسیې پر وړاندې د ستراتیژیکې ماتې هیله لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د هغې په وینا، د اپرېل میاشتې د اختر د اوربند پرمهال اوکراین زرګونه ځله دغه اوربند مات کړی دی.
زاخارووا همداراز ویلي چې له امریکا سره د خبرو په اړه مسکو ډېرې لوړې هیلې نهلري، خو بیا هم دا خبرې روانې ساتي، ځکه د اوسني امریکایي حکومت لهخوا د روسیې نظر ته لږترلږه د اورېدو چمتووالی لیدل کېږي.
د اوکراین جګړه د ۲۰۲۲ کال په فبرورۍ کې د روسیې له برید سره پیل شوې او تر اوسه روانه ده.