ټاکل شوې سبا په مسکو کې د افغانستان په اړه نړیواله غونډه جوړه شي. د روسیې، چین، پاکستان او هند استازي به سبا چهارشنبه په دې غونډه کې د طالبانو د رییس‌الوزرا د دویم مرستیال مولوي عبدالسلام حنفي په مشري له افغان پلاوي سره وګوري.

د راپورونو له مخې، یاد لوري نن هم د افغانستان په اړه حاشیوي بحثونه کوي. د افغانستان لپاره د روسیې ځانګړي استازي ضمیر کابلوف ویلي چې د مسکو ناستې په څنډه کې به هڅه وشي چې د افغانستان د بدلونونو په اړه یوې ګډې هوکړې ته ورسېږي.

د سلام‌وطندار پښتو فېسبوک‌پاڼه وڅارئ

روسیې څه موده مخکې اعلان وکړ چې د افغانستان په اړه به د یوې غونډې کوربه‌توب وکړي. دوه ورځې وړاندې داسې راپورونه هم خپاره شول چې دې غونډې ته پخوانی ولسمشر حامد کرزی او د ملي روغې جوړې شورا پخوانی رییس عبدالله عبدالله هم وربلل شوي، خو په کابل کې د روسیې سفارت هغوی ته د بلنې ورکول رد کړل.

د افغانستان په اړه د مسکو جوړېدونکې غونډې ته امریکا هم ور بلل شوې وه، خو د دغه هېواد د بهرنیو چارو وزارت ویاند نېټ پرایس بېګاه وویل چې امریکايي استازي به په یاده ناسته کې ګډون ونه کړي.

سلام‌وطندار پر ټویټر هم وڅارئ

بله‌خوا طالبانو ویلي چې پلاوی یې د مسکو ناستې ته له هراړخیزې او منظمې اجندا او غوښتنو سره ورغلی دی.

پدې خبر پورې اړوند:

کلیدواژه‌ها: // // //

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام