روسیې له تاجکستان او طالبانو غوښتنه کړې چې دواړه لوري دي خپلمنځي لانجه د منلو شویو لارو څخه هواره کړي. د روسیې د بهرنیو چارو وزارت ویلي چې د طالبانو د اطلاعاتو  پر اساس، په لسګونه زره طالب جنګیالي تاجکستان سره پولې ته نږدې په تخار ولایت او سرحدي سیمو کې ځای پر ځای شوي دي.

د روسیې د بهرنیو چارو وزارت د اطلاعاتو او مطبوعاتو د مدیر مرستیال الکسي زایتسف ویلي چې کابل او دوشنبې باید د افغانستان او تاجکستان په پوله کې راولاړې شوې، لانجې ته دې د منلو وړ حل لارې ومومي.

د سلام‌وطندار پښتو  فېسبوک‌پاڼه وڅارئ

الکسي زایتسف زیاته کړې چې مسکو د تاجکستان او افغانستان په اړیکو کې د لانجو زیاتېدو او همداراز د دواړو هېوادونو د تندو څرګندونو څارنه کوي. د روسیې د بهرنیو چارو وزارت د اطلاعاتو او مطبوعاتو مدیر د مرستیال په وینا، راپورونه کاږي چې دواړو لوریو خپل وسله‌وال ځواکونه پولې ته نږدې ځای پرځای کړي او دواړه لوري باید یو بل ته د منلو بدیلونو په لټه کې شي.

د تاجکستان ولسمشر امام‌علي رحمان په وار وار افغانستان کې د یوه ټول‌ګډ‌ونه حکومت پر جوړېدو ټينګار کړی دی. نوموړي همداراز پر پنجشېر د طالبانو برید هم غندلی دی.

سلام‌وطندار پر ټویټر هم وڅارئ

د یادو څرګندونو په ځواب کې بیا طالبانو تاجکستان تورن کړی چې د افغانستان په داخلي چارو کې لاس وهنه کوي او پر دوام یې خبرداری هم ورکړی دی.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام