سره له دې چې لوی اختر ته د ګوتو په شمېر ورځې پاتې دي، خو کابل ښار د تېرو کلونو د اخترونو په پرتله هغه پخوانۍ ګڼه ګوڼه نهلري.
د کابل ښار د وچې مېوې یوشمېر هټۍوال وايي چې سږ کال د پلور کچه په بېمخینې توګه راکمه شوې ده.
د سلاموطندار پښتو فېسبوکپاڼه وڅارئ
د دوی په وینا، د خلکو اقتصادي وضعیت د خرابوالي پر لور روان دی او ښاریان نهشي کولای چې د اختر لپاره مېوې او نور توکي وپلوري.
د کابل ښار د وچې مېوو هټۍوال زیاتوي چې د تېرو کلونو په پرتله یې په پلور کې ۵۰سلنه کموالی راغلی دی.
د کابل ښار یو هټۍوال اصیل احمد سلاموطندار ته وویل: «پخوا به چې کله اختر دوه اوونۍ پاتې وې، خلک به په شوق د پېر لپاره بازار ته تلل، سږکال دوه ورځې اختر ته پاتې، خو وینئ چې خرڅلاو نشته.»
د کابل یوشمېر اوسېدونکي وايي، د اقتصادي ستونزو په دلیل خلک بد وضعیت سره مخ دي چې دغه کار د خلکو د پېرلو توان کم کړی او نه شي کولی د پخوا کلونو په څېر اختر ته چمتوالی ونیسي.
دا داسې مهال دی چې د اسلامي امارت له واکمنېدو وروسته هېواد کې د بېوزلۍ او وزګارتیا کچه لوړه شوې چې خلک یې ګڼو ستونزو سره مخ کړي.
سلاموطندار پر ټویټر هم وڅارئ
دغه راز په نړیواله سطحه د وضعیت په بدلېدو سره هم بازارونو کې د لومړنیو توکو بیې په بېسارې توګه لوړې شوي دي.
