طبیعي پېښو ته د رسېدو په چارو کې د دولت وزارت ویاند محمد نسیم حقاني وایي، غزني، میدانوردګ، خوست، پکتیا، پکتیکا، لوګر او زابل ولایتونو کې د وروستیو بارانونو له امله راوتلو سېلابونو خلکو ته درانه مالي زیانونه اړولي دي. طبیعي پېښو ته د رسېدو په چارو کې د دولت وزارت ویاند له نړیوالې ټولنې وغوښتل چې هېواد کې له سېلاب ځپلو سره مرسته وکړي.
د صنعت او سوداګرۍ وزارت د صنایعو او کانونو، د افغانستان د ښځو د سوداګرۍ او صنایعو خونو ترڅنګ، د «صیام بزنس» بنسټ او یوشمېر نورو بنسټونو له لوري نن کابل کې د «اختر بازار او کورنیو تولیداتو» په نوم درې ورځنۍ نندارتون پرانستل شو.
سره له دې چې لوی اختر ته د ګوتو په شمېر ورځې پاتې دي، خو کابل ښار د تېرو کلونو د اخترونو په پرتله هغه پخوانۍ ګڼه ګوڼه نهلري.
د پکتیا اریوبځاځي ولسوالي منډیر، ګوي او سپینې شګې په نوم سیمو کې د اختر ورځو پرمهال د هېواد له بېلابېلو سیمو څخه ګڼشمېر سیلانیان د تفریحې او چکر لپاره ورځي.
د ملګروملتونو د نفوسو صندوق ویلي، په خوست او پکتیکا کې شوې زلزلې د اومېندوارۍ په شرایطو برابرې نږدې ۲۰۰۰۰ مېرمنې او لږ تر لږه ۲۰۰۰ مېرمنې چې د اومېندوارۍ په وروستیو میاشتو کې دي، سختې اغېزمنې کړې دي. د نفوسو صندوق اجرايي مدیرې ناتالیا کانم ویلي، د هغو کورنیو ترڅنګ ولاړ دي چې په وروستۍ زلزله کې زیانمن شوي دي.
د غزني د اطلاعاتو او فرهنګ رییس حبیبالله مجاهد سلاموطندار ته ویلي چې دغه ولایت کې د وروستیو اورښتونو له امله سېلابونه راوتلي چې په پایله کې یې دوه کسان مړه او درې کسان ټپیان شوي دي.
د زابل روغتیايي مسوولان وايي چې له تېرو څو میاشتو راهیسې په دغه ولایت کې پر یوې ناپېژنده ناروغۍ سلګونه کسان اخته شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
