یوه باوري امنیتي سرچینه چې نه غواړي نوم یې خپور شي وایي، بېګاه د مرکزي بغلان ولسوالي اړوند د ملي اردو څه باندې ۱۰۰ سرتېري له خپلو درنو او سپکو وسلو سره وسله‌والو طالبانو ته تسلیم شوي چې ورسره د دې ولسوالي ډېری سیمې د طالبانو لاس ته لوېدلي دي.

سرچینه زیاتوي، دغه نظامیان چې ډېری یې د ملي اردو سرتېري دي، له جګړې پرته خپل دوه مرکزونه او ۸ پوستې طالبانو ته تسلیم کړي او د دې پوستو ټولې درنې او سپکې وسلې یې د طالبانو لاس ته ورغلي دي.

د سلام‌وطندار پښتو فېسبوګ‌پاڼه وڅارئ

 سرچینه وایي، وسله‌والو طالبانو ته د دغو سرتېرو په تسلیمېدو سره د مرکزي بغلان ولسوالي ګڼ‌شمېر سیمې د پخواني ښار په ګډون، د وسله‌والو طالبانو په لاس کې دي او یوازې د ولسوالي نوی ښار د حکومت په واک کې دی.

د سرچینې په وینا، که د حکومت مرکزي اداره د مرکزي بغلان ولسوالي امنیتي وضعیت په اړه اقدام ونه کړي، دغه ولسوالي به په بشپړه توګه د وسله‌‌والو طالبانو لاس ته ولوېږي. د بغلان ولایت محلي چارواکو تر اوسه په دې اړه څه نه دي ویلي.



وسله‌والو طالبانو د یوې خبرپاڼې په خپرولو سره ادعا کړې چې بېګاه نږدې ۲۰۰ نظامیانو د خپلو پوځي تجهیزاتو سره یوځای د دوی جنګیالیو ته تسلیم شوي دي.

دا په داسې حال کې ده چې پرون هم د بغلان ولایت د بورکه ولسوالي د امنیتي ځواکونو له لوري له جګړې پرته طالبانو ته پرېښودل شوې او د دې ولسوالي امنیتي پرسونل کندوز ولایت ته تللی دی.

بل‌خوا وسله‌والو طالبانو غزني کې هم د امنیتي ځواکونو پر پوستو بریدونه کړي چې په دغه ولایت کې یې ګڼ‌شمېر امنیتي ځواکونو ته مرګ ژوبله اړولې ده.

 د غزني ولایتي شورا غړی حسن رضا یوسفي سلام‌وطندار ته ویلي، بېګاه شپه د غزني ښار اړوند د ارزو په کلي کې د ملي اردو او پولیسو ګډه پوسته چې د څو اوونیو راهیسې د طالبانو له‌خوا په محاصره کې وه، د دې ډلې له لوري سقوط شوې چې په پایله کې یې شپږ امنیتي سرتېري وژل شوي او ۱۵ نور سرتېري طالبانو له ځان سره بېولي دي.

د یوسفي په خبره، نن سهارمهال د غزني خواجه عمري ولسوالي کې هم د پولیسو یوه پوسته د طالبانو له لوري سقوط شوې چې تراوسه یې په اړه مالومات نشته.

په همدې حال کې د غزني امنیه قومندان حکمت الله کوچی د پوستو سقوط او امنیتي ځواکونو ته اوښتي تلفات مني خو وایي، په څو ولسوالیو کې یې پراځ عملیات پېل کړي او نښتې روانې دي.

وسله‌والو طالبانو تراوسه په غزني کې د نښتو په اړه رسنیو ته څه نه دي ویلي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام