د امریکا مرکزي قومنداني (CENTCOMوايي چې ایران د کویټ او بحرین پر لور اووه بالستیک توغندي توغولي دي.
دغه پېښه څو ساعته وروسته له هغه رامنځته شوې چې امریکايي ځواکونو د ایران هغه بریدګرې بېپیلوټه الوتکې نسکورې کړې چې د هرمز تنګي پر لور استول شوې وې او همدارنګه یې د ایران ځینې راداري مرکزونه په نښه کړل.
سنټکام په یوه خبرپاڼه کې ویلي: «لومړنۍ ارزونې ښيي چې له اوو توغول شویو توغندیو څخه شپږ یې د دفاعي سیستمونو لهخوا شنډ شوي او اووم توغندی خپل ټاکلي هدف ته نه دی رسېدلی.»
دغه قومنداني زیاتوي چې تراوسه د امریکايي ځواکونو د پرسونل د زیانمنېدو کوم راپور نه دی ترلاسه شوی.
سنټکام د ایران هغه ادعا هم رد کړې چې ګواکې د امریکا د پنځم سمندري ځواک (Fifth Fleet) مرکز ته، چې په بحرین کې موقعیت لري، زیان اوښتی دی. د سنټکام په وینا، دا ادعاوې ناسمې او بېبنسټه دي.