د پاکستان د بهرنیوچارو وزیر اسحاق دار په یوه بیان کې د ایران او امریکا ترمنځ د خبرو په اړه ویلي چې اړینه ده دواړه لوري د اوربند په تړاو پر خپلې ژمنې ټینګ پاتې شي.
هغه وویل: «موږ هیله لرو چې دواړه خواوې به د مثبتې فضا په دوام سره کار وکړي، څو د ټولې سیمې او له هغې هاخوا لپاره دوامداره سوله او ثبات رامنځته شي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دار زیاته کړه چې پاکستان به په راتلونکو ورځو کې هم د ایران او امریکا ترمنځ د اړیکو او خبرو اسانتیا لپاره خپله ونډه جاري وساتي.
نوموړي همداراز د دواړو لورو څخه مننه وکړه چې د پاکستان هڅې یې د اوربند د ترلاسه کولو لپاره ستایلي او هیله یې څرګنده کړه چې دواړه لوري به د دوامدارې سولې لپاره خپل مثبت دریځ وساتي.