سنټکام: ایران د کوېټ او بحرین پر اډو ۷ بالېستیک توغندي ویشتلي

د امریکا مرکزي قومنداني (CENTCOMوايي چې ایران د کویټ او بحرین پر لور اووه بالستیک توغندي توغولي دي.

دغه پېښه څو ساعته وروسته له هغه رامنځته شوې چې امریکايي ځواکونو د ایران هغه بریدګرې بې‌پیلوټه الوتکې نسکورې کړې چې د هرمز تنګي پر لور استول شوې وې او همدارنګه یې د ایران ځینې راداري مرکزونه په نښه کړل.

سپاه‌پاسداران: سیمه کې مو د امریکا اډې په نښه کړي

د ایران سپاه پاسداران د عامه اړیکو دفتر ویلي، امریکايي ځواکونو یو ځل بیا په سیریک او قشم ټاپو توغندیز بریدونه کړي.

ایراني رسنیو راپور ورکړی چې د دغو بریدونو په ځواب کې د سپاه‌پاسداران هوایي ځواکونو له لوري کویټ کې د «علي‌السالم» په شمول پر دوو هوايي اډو او بحرین کې د امریکا د سمندري ځواکونو پر تاسیساتو د توغندیزو او بې‌پیلوټه الوتکو بریدونه شوي.