د تېرې یوې میاشتې پر مهال جنايي پېښو کې ۴۲ کسان وژل شوي

په رسنیو کې د خپرو شویو راپورونو پر بنسټ، د وروستۍ یوې میاشتې پر مهال په ټول هېواد کې ۳۱ جنايي پېښې شوي چې اته یې د تېرې میاشتې په لومړۍ نیمايي او ۲۳ یې په دویمه نیمايي کې ثبت شوي دي.

ورورستۍ ۲۳ پېښې د سلواغې له ۲۴مې د کب تر اوومې رامنځته شوي چې دوه برابره لوړوالی ښيي.

د ا.ا ځواکونو او پاکستاني ملېشو ترمنځ نښتې؛ ډنډپټان کې سلګونو کورنیو خپلې مېنې پريښي

د پکتیا ډنډپټان ولسوالي کې له تېرو نهو ورځو راهیسې د اسلامي امارت ځواکونو او پاکستاني ملېشو ترمنځ درې ځلې پرله‌پسې وسله‌واله نښتې شوي دي. د یادې سیمې اوسېدونکي وايي چې د پاکستاني ملېشو له لورې د ملکیانو پر کورونو د درنو وسلو بریدونه هم شوي چې له امله یې سلګونه کورنۍ د خپلو مېنو پرېښودو ته اړ شوي دي.

سپین‌بولدک کې د ا.ا او پاکستانۍ ملېشو نښتې؛ دواړو خواوو ته سلګونه مسافر بند دي

د اسلامي امارت ځواکونو او پاکستانۍ ملېشو پرون غرمه د کندهار په سپین‌بولدک کې د ډیورنډ پر فرضي کرښې لګېدلې دروازې سره د لنډمهال لپاره جګړه وکړه.
د دې پېښې یوه عیني شاهد د نوم نه ښودلو په شرط سلام‌وطندار ته ویلي چې یوه کس د اسلامي امارت ځواکونو په جامه کې پر پاکستانۍ ملېشو برید وکړ.

په تېرو ۲۴ساعتونو کې ۷ولسوالۍ د طالبانو لاس ته لوېدلي

د راپورونو پر اساس له تېرو څلیرویشت ساعتونو راهیسې د هېواد په بېلابېلو ولایتونو کې پر امنیتي پوستو او مرکزونو د وسله‌والو طالبانو د بریدونو له امله دغې ډلې د بدخشان کشم، تګاب، وردوج، درایم، یفتل پایین، تیشکان او شهرک ولسوالیو سربېره د تخار ولایت کلفګان ولسوالي هم نیولي دي.

د امنیتي ځواکونو او طالبانو ترمنځ په پنځو ولایتونو کې سختې جګړې شوي

د طالبانو له لوري د تاوتریخوالي پر دوام یوازې بېګاه شپه د افغان امنیتي ځواکونو او وسله‌والو طالبانو ترمنځ په لوګر، فاریاب، اروزګان، بغلان او کونړ ولایتونو کې سختې جګړې شوې دي. له نیږدې یوې نیمې میاشتې راهیسې د هېواد په بېلابېلو ولایتونو کې وسله‌والو طالبانو کڼ‌شمېر ولسوالۍ تر خپلې ولکې لاندې راوستي دي.

افغان ځوانان او د نامنظمې کډوالۍ ګواښونه او ننګونې

که څه هم افغانستان یو کرنیز او د ودې په حال کې دی، خو جګړه، د امنیت نه شتون او اقتصادي ستونزې د دې لامل شوي چې ګڼ‌شمېر افغان ځوانان ګاونډیو او اروپايي هېوادو ته پر سختو او له خطره پر ډکو لارو نامنظې کډوالۍ ته زړه ښه کړي.

پر طالبانو د افغان ځواکونو بریدونه؛ په ۲۴ ساعتونو کې ۶۵ وسله‌وال وژل شوي

په  کوچني اختر کې د افغان دولت او وسله‌والو طالبانو ترمنځ له درې ورځني اوربند وروسته د هېواد په یو‌شمېر ولایتونو کې د حکومت او طالب ډلې ترمنځ د نښتو خبرونه ورکړل شوي چې دواړه لوري یو بل ته د مرګ‌ژوبلې اړولو ادعا کوي.

مرکزي بغلان ولسوالي کې نښتې؛ له ۱۰۰ ډېر سرتېري طالبانو ته تسلیم شوي

یوه باوري امنیتي سرچینه چې نه غواړي نوم یې خپور شي وایي، بېګاه د مرکزي بغلان ولسوالي اړوند د ملي اردو څه باندې ۱۰۰ سرتېري له خپلو درنو او سپکو وسلو سره طالبانو ته تسلیم شوي دي. د سرچینې په وینا، د دغو سرتېرو په تسلیمېدو سره د یادې ولسوالي ډېرې سیمې هم د طالبانو لاس ته ورغلې دي.

طالبانو بغلان کې د تېلو ۶ ټانکر سوځولي او ۷ کسان يې له ځان سره وړي

بغلان کې محلي او امنيتي سرچينې وايي، طالبانو د بغلان – کابل لويې لار کې د تېلو ۶ ټانکر سوځولي او ۷ کسان يې له ځان سره وړي دي.

دغه سرچينې چې نه غواړي نومونه یې خپاره شي سلام‌وطندار  ته وايي، طالبانو تېره شپه «کيله‌ګي» سيمه کې د امنيتي ځواکونو پر پوستو بريدونه کړي چې په دې نښتو کې چاته زیان نه دی رسېدلی خو طالبانو له نښتو وروسته دوشي ولسوالۍ کې د بغلان ـ کابل لویې لارې پر سر د تېلو ۶ ټانکر سوځولي دي.

د بدخشان مايمي ولسوالۍ طالبانو ونیوله

بدخشان کې محلي مسوولان وايي چې د ياد ولايت مايمي ولسوالۍ د طالبانو لاس ته پرېوته. د مايمي ولسوال کامبېز قرباني ياد خبر تاييد کړی دی.

د بدخشان له مايمي ولسوالۍ يوه سرچينه سلام‌وطندار ته وايي، طالبانو د مايمي ولسوالۍ امنيې قومندان، د ملي امنيت مدير، جنايي مدير او يو شمېر امنيتي ځواکونه وژلي دي.

امنيتي ځواکونو بېرته د کندوز د دښت‌ارچي ولسوالۍ یو شمېر سيمې ونيولې

کندوز ولايت کې امنيتي مسوولان وایي، امنيتي ځواکونو له طالبانو د کندوز د دښت‌ارچي ولسوالۍ یو شمېر سيمې بېرته ونيولې.

د ۲۱۷ پامیر قول اردو د ویاند مرستیال هادي جمال وايي، افغان ځواکونو د سې‌شنبې په سهار د کندوز د دښت‌ارچي ولسوالۍ بېرته نیولو لپاره عملیات پیل کړل چې د ولسوالۍ مقام او امنیه قومنداني یې بېرته نیولې او عملیات یې دوام لري.

طالبانو د کندوز دښت‌ارچي ولسوالۍ ونیوله

د کندوز د ولایتي شورا رييس محمد یوسف ایوبي وايي، دښت‌ارچي ولسوالۍ د طالبانو د ډله‌ییزو بریدونو پایله کې سقوط شوې ده. یوه بله ځايي سرچینه هم وايي، طالبانو نن سهار پر دښت‌ارچي ولسوالۍ بریدونه پیل کړل او امنیتي ځواکونو د ولسوالۍ بازار کې د شاوخوا سیمو پوستې خوشې کړي او شاه تګ یې کړی دی.

د روزګان د دهراوود ولسوالۍ مرکز د طالبانو لاس ته ولوېد

د روزګان ولايت محلي مسوولان وايي، د دهراوود ولسوالۍ له مرکز نه امنيتي ځواکونو «تکتيکي شاتګ» کړی دی.

د روزګان د والي ویاند احمد شاه ساحل ویلي چې تېره شپه وسله‌والو طالبانو پر بازار او امنیې قومندانۍ او ولسوالۍ او نورو نظامي مرکزونو ډله‌ییز بریدونه کړي او امنيتي ځواکونو د ملکي کسانو د مرګ‌ژوبلې مخنيوي لپاره «تکتيکي شاتګ» کړی دی.

سرچينه: د روزګان ګېزاب ولسوالۍ طالبانو ونيوله

روزګان کې یوه امنیتي سرچینه چې نه غواړي نوم يې خپور شي سلام‌وطندار ته وايي، ګېزاب ولسوالۍ د طالبانو لاس ته لوېدلې ده.

د سرچينې په وينا، دغه ولسوالۍ د تېرې شپې له سختو جګړو وروسته طالبانو ونيوله.

کندهار کې سرچينه: په تېرو ۲ اوونيو کې ۱۵ ملکیان وژل شوي

د کندهار په ارغنداب، پنجوايي، میوند او ژېړۍ ولسوالیو کې له تېرو ۲ اوونیو راهیسې د افغان امنيتي ځواکونو او طالبانو ترمنځ نښتې روانې دي.

د ياد ولايت د میرویس حوزوي روغتون د جراحي څانګې مسوول ډاکټر قدرت الله حکیمي سلام‌وطندار ته وايي، په دې ولایت کې د طالبانو او امنیتي ځواکونو ترمنځ د وروستیو نښتو له کبله له بېلابېلو ولسوالیو « ۱۱۵» ملکي ټپیان ور وړل شوي دي چې په ټپیانو کې ښځې او ماشومان هم شامل دي.