Asset 1SWN

د بغلان پولیسو د ځانګړې قطعې قومندان له طالبانو سره په نښته کې ووژل شو

Khosti-p5435e6x51k4grg1lpurg52f0gktmc6y7o5uzbzm38

د بغلان د امنيې قومندانۍ وياند احمدجاوېد بشارت وايي، د ياد ولايت مرکز پلخمري ښار کې د پولیسو د ځانګړې قطعې قومندان شریف الله خوستی له طالبانو سره په يوه نښته کې وژل شوی دی.

د بشارت په وينا، په دې نښته کې طالبانو ته هم مرګ‌ژوبله اوښتې ده.

په ورته وخت کې بغلان کې معتبرې سرچينې سلام‌وطندار ته وايي، د پلخمري ښار په دويمه امنيتي حوزه کې د امنيتي ځواکونو پر کاروان د طالبانو بريد کې ۹ امنيتي ځواکونه ټپيان شوي دي. د سرچينو په وينا، په دې پېښه کې د امنيتي ځواکونو درې ټانګونه هم ويجاړ شوي دي.

دغه سرچينې وايي، د پولیسو د ځانګړې قطعې قومندان شریف الله خوستی چې د يادو امنيتي ځواکونو مرستې ته ور روان و، په لاره کې د طالبانو کمين سره مخ شو او ووژل شو.

د ملي پخلاينې عالي شورا دغه پېښه غندلې ده.

د شریف‌الله خوستي وژنې د ملي شورا او بغلانيانو غبرګونونه راپارولي دي او مړی به يې نن خاور ته وسپاري.

 شریف‌الله خوستی دوه کاله وړاندې پر دغه دنده ګمارل شوی و. نوموړی څو ځلې د طالبانو په کمينونو او بريدونو کې ټپي شوی هم و.

د طالبانو دغه بريدونه په داسې حال کې کېږي چې تېره ورځ د ملي دفاع وزارت سرپرست محمدیاسین ضیا ياد ولايت ته په خپل سفر کې وويل چې بغلان ولايت کې هېڅ امنيتي اندېښنه نشته.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام