لوګر کې د ۲۰۳ منصوري قولي اردو چارواکي وایي چې د کشفي او استخباراتي راپورونو له مخې، امنیتي ځواکونو په څرخ، برهکي برک او ازرې ولسوالیو کې عملیات کړي او یوشمېر وسلې او مهمات یې نیولي دي.
د ۲۰۳ منصوري قولي اردو د څلورمې پلې لېوا ویاند نوروز ځلاند سلاموطندار ته وویل، امنیتي ځواکونو دد غه عملیاتو پر مهال دوه میله کلاشينکوف، د سپکو او درنو وسلو مهمات، لاسي بمونه او لسګونه کلوګرامه چاودېدونکي توکي نیول شوي دي.
د سلاموطندار پښتو فېسبوکپاڼه وڅارئ
هغه همدارنګه زیاته کړه، د یادو وسلو په تړاو یو کس نیول شوي او له نوموړي څخه د امنیتي ځواکونو پلتڼې روانې دي.
د نوموړي په وینا، یادې وسلې او مهمات په غیرې قانونې توګه په کورونو کې ساتل شوې وې چې د امنیتي ځواکونو له لوري نیول شوي دي.
دغه وسلې داسې مهال نیول کېږي چې له دې وړاندې په دغه ولایت کې د امنیتي ځواکونو لهخوا د عملیاتو په پایله کې وسلې او نظامي مهمات نیول شوې دي.