د امریکا او ایران ترمنځ د جګړې د پای ته رسولو او احتمالي هوکړې لپاره هڅې روانې دي، خو د امریکا ولسمشر ډونالډ ټرمپ وايي، واشنګټن به د ایران غني شوي یورانیم ترلاسه کړي.
ټرمپ سپینې ماڼۍ کې خبریالانو ته وویل: «موږ به دغه یورانیم ترلاسه کړو.» هغه زیاته کړه چې د ایران د اټومي وسلو مخنیوی د امریکا د حکومت له مهمو هدفونو څخه دی.
ټرمپ د یوې پوښتنې په ځواب کې چې ایا له ایران بهر د یورانیمو لېږد شونی دی او د راتلونکي تړون شرط کېدای شي.؟ وویل: «نه، دا ښايي ممکن نه وي، خو امریکا ته به ولېږدول شي.»
د نوموړي په وینا، امریکا ته د ایران د غني شویو یورانیمو انتقال د دواړو هېوادونو د نوي وړاندیز شوي تړون یوه اساسي برخه ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ټرمپ له «پيبياېس» شبکې سره خبرو کې وویل، که تهران د واشنګټن وړاندیز ونهمني، امریکا به «له پخوا ډېر سخت بریدونه» پیل کړي.
هغه دا هم وویل چې د جګړې د پای ته رسېدو احتمال ډېر لوړ دی، خو خبرداری یې ورکړ چې د هوکړې د ناکامېدو په صورت کې به پراخ بمبار پيل شي.