له ګاونډیو هېوادونو شاوخوا ۹۵۵ کورنۍ چې په ټولیز ډول یې شمېر پنځه زره او ۱۰۲ کسان ته رسېږي، تېره ورځ بېرته هېواد ته راستانه شوې دي.
د اسلامي امارت د ویاند مرستیال حمدالله فطرت نن پنجشنبه، پر خپله اېکسپاڼه په خپره کړې خبرپاڼه کې ویلي، یوازې د ننګرهار د تورخم له لارې ۷۵۹ کورنۍ هېواد ته داخلې شوې دي.
د خبرپاڼې له مخې، د کندهار د سپینبولدک له لارې ۱۱۵ کورنۍ، د نیمروز له پولې ۴۶ کورنۍ، د هرات د اسلامکلا له لارې ۳۳ کورنۍ او د هلمند د بهرامچې له لارې دوه کورنۍ هېواد ته راستنې شوې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دا په داسې حال کې ده چې په وروستیو میاشتو کې له پاکستان او ایران څخه د افغانانو د ایستلو او جبري ستنولو لړۍ چټکه شوې ده.
د راپورونو له مخې، ډېری راستانه شوي له سختو اقتصادي ستونزو، د سرپناه له نشتوالي او د ژوند د لومړنیو اسانتیاوو له کمښت سره مخ دي.
نړیوالو مرستندویو ادارو خبرداری ورکړی چې د کډوالو زیاتېدونکی بېرته ستنېدنه ښايي په افغانستان کې بشري بحران نور هم ژور کړي.