د هلمند امنیتي مسوولان وايي چې د دغه ولایت په ګرشک ولسوالي کې یې د یو لړ کشفي عملیاتو پر مهال یې وسلې او مهمات نیولي دي.
دغه وسلې او مهمات د هلمند امنیې قومنداني له تروریزم سره د مبارزې مدیریت ځواکونو لهخوا نیول شوي دي.
د سلاموطندار پښتو فېسبوکپاڼه وڅارئ
د هلمند امنیې قومندانۍ ویاند ملا عزتالله حقاني وايي چې د عملیاتو پر مهال یې، د کرشک فاتح چوک ته څېرمه سیمه کې یې په یوه کور کې درې میله کلاشینکوف، یو میل توپانچه، ۱۳۱۵ بېلابېلې مرمۍ او یوشمېر نور مهمات نیول شوي دي.
نوموړي زیاته کړه چې په نیول شویو مهماتو کي دوه ګرنېټ، ۲۴ د کارمولي او توپانچې شاجُر، څلور د توپانچې او سکېل جرۍ، یو د کلاشینکوف سیخ، دوه د کلاشینکوف موټي، یوه د کلاشینکوف سرپرده، درې د توپانچې پوښونه او دوه چانټې شاملي دې.
حقاني دا نهدي ویلي چې د یادو وسلو په تړاو یې څوک نیولي، که نه؟، خو زیاته یې کړه، هڅه کوي چې ناقانونه وسلې ټولې او دغه ولایت کې لاهم ډاډمن امنیت ټينګ شي.