د خوست امنیتي مسوولان وايي چې د دغه ولایت په مرکز او ولسوالیو کې یې ۳۰ میله بېلابېلې وسلې او مهمات نیولي دي.
د خوست د امنیې قومنداني مطبوعاتي دفتر له لوري په خپره شوې خبرپاڼه کې راغلي چې دغه وسلې او مهمات د تروریزم ضد مدیریت منسوبینو له لوري کشف او نیول شوي دي.
د خبرپاڼه له مخې نیول شوې وسلې او مهمات د عملیاتو په لړ کې ترلاسه شوي دي.
په نیول شویو مهماتو کې ۳۰ میله وسلې، د کلاشینکوف او پیکا مرمۍ، څلور دانې شپني دوربینونه او یوه اندازه نور مهمات او پوځي تجهیزات شامل دي.
په خبرپاڼه کې راغلي چې د یادو وسلو په تړاو ۲۲ کسان هم نیولي شوي چې دوسیې یې بشپړې او د نورو اجراتو په موخه اړونده ارګانونو ته سپارل شوي دي.
سلاموطندار پر ټویټر هم وڅارئ
دا په داسې مهال دی چې له دې وړاندې هم د هېواد په بېلابېلو ولایتونو په ځانګړې توګه د هېواد په بندرونو او ګمرکونو ګاونډیو هېوادونو ته د لېږد پر مهال ګڼشمېر وسلې او مهمات نیول شوي دي.