طبیعي پېښو ته د رسېدو په چارو کې د دولت وزارت مسوولان وايي، سږ کال په افغانستان کې د ناچاودو ماینونو او چاودېدونکو توکو په چاودنو کې اوښتې مرګژوبله د تېر کال په پرتله زیاته شوې ده. د دوی په وینا، په تېرو ۸ میاشتو کې د دغو ماینونو د چاودنو له کبله ۲۱۳ افغان ماشومانو ته مرګژوبله اوښتې ده.
د افغانستان د سوداګرۍ او پانګونې خونې نن (د وږي دویمه، د پنجشنبې ورځ) کابل کې د یوې خبري غونډې پر مهال له سوداګرو وغوښتل چې خپل محصولات معیاري او پر کیفیت یې کار وکړي.
د سوداګرۍ او پانګونې خونې د رهبري پلاوي غړی خانجان الکوزی وايي: «ادارې د خصوصي سکټور د ملاتړ لپاره مکلفې دي چې په کارونو کې یې اسانتیاوې برابرې کړي؛ لکه دوه درې ځله مالیه اخیستل کېږي.
د بهرنیو چارو وزارت سیاسي مرستیال شېرمحمدعباس ستانکزی ګاونډیو هېوادونو ته ډاډ ورکوي چې د افغانستان خاوره یې پر وړاندې نه کارېږي، خو زیاتوي چې ګاونډیان دې هم له خپلې خاورې د افغانستان امنیت نه ګواښي. هغه له ا.ا څخه هم غوښتنه وکړه چې له افغانستان سره د ګډو پولو امنیت خوندي کړي.
د کابل د امنیې قومنداني د پلازمېنې په اتلسمه امنیتي حوزه کې د یوې افغان یوټیوبرې «حورا سادات» وژل تایید کړي دي.
وروسته له هغې چې اندونیزیا کې د «سپي غوښې» پر پلور د بندیز هڅې پیل شوې، دغه هېواد کې د یوشمېررسټورانټونو مالکان وايي، خپلې راتلونکې ته اندېښمن دي.
د خوست امنیتي مسوولان وايي چې د دغه ولایت په مرکز او ولسوالیو کې یې ۳۰ میله بېلابېلې وسلې او مهمات نیولي دي.
د پاکستان پر وړاندې په لومړۍ یو ورځنۍ لوبه کې له سترې ماتې وروسته د افغانستان د کرېکټ ملي لوبډله نن پاکستان سره دویمه یو ورځنۍ لوبه کوي.
ټاکل شوې چې دغه لوبه نن پنجشنبه د وږي دویمه د سریلانکا د «ماهېنډا راجاپاکسا نړیوال لوبغالي» کې د افغانستان پر وخت له غرمې وروسته ۲:۰۰ بجې پیل شي.
پکتیا کې د روانې اوونۍ د دوشنبې پر ورځ پیل شوی د کتابونو درې ورځنی نندارتون پای ته ورسېد.
دغه نندارتون چې پرون چهارشنبه د وږي لومړی نېټه پای ته ورسېد، د بېلابېلو برخو ګڼشمېر کتابونه نندارې ته کېښودل شوي وو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
