الاقصی جومات کې پر عبادت کوونکو د اسراییلو برید؛ ۴۰۰ فلسطینیان نیول شوي

اسراییلي پولیسو نن چهارشنبه د اپرېل پنځمه په ختیځ بیت‌المقدس کې د الاقصی جومات په انګړ کې پر فلسطیني عبادت‌ کوونکو برید کړی او یو‌شمېر فلسطینیان یې نیولي دي.

سیمه‌ییزو چارواکو رسنیو ته ویلي چې د اسراییلو له‌ځوا د نن سهار په تاوتریخجنو بریدونو کې ۴۰۰ فلسطینیان نیول شوي او دا مهال د اسراییلو په بند کې دي.

د کورنیو چارو وزارت: روان کال د ۱۱۸۹۰ پېښو په تړاو نږدې ۱۷۰۰۰ کسان نیول شوي

د کورنیو چارو وزارت مسوولانو نن دوشنبه د کب ۲۹مه کابل کې د یوې خبري ناستې پر مهال وویل چې د ۱۴۰۱ کال له پیل راهیسې تراوسه په ټول هېواد کې ۱۱زره او ۸۹۰ جرمي پېښې رامنځته شوي دي. د یاد وزارت د مسوولانو په وینا، د دغو پېښو په تړاو ۱۶زره او ۶۵۸  کسان هم نیول شوي دي.

بغلان کې یو کس وژل شوی

د بغلان محلي مسوولان وايي چې پرون پنج‌شنبه د لیندۍ درېیمه دغه ولایت کې یو کس وژل شوی دی.

د بغلان د امنیې قومنداني ویاند شېراحمد برهاني نن جمعه د لیندۍ دویمه سلام‌وطندار ته ویلي، دغه کس خیرالدین نومېده او د ژورو ټپونو له کبله یې ساه ورکړې ده.

نجفي‌زاده: ا.ا د طلوع نیوز له ویاند پرته دوه کارکوونکي خوشي کړي

د طلوع نیوز خصوصي ټلویزیون یوه مخکیني مسوول تایید کړې چې د ا.ا له‌خوا پرون د دغه ټلویزیون له درېوو نیول شویو کارکوونکو څخه دوه یې بېرته خوشې شوي دي.

لطف‌الله نجفي‌زاده په یوه ټویټر پیغام کې ویلي، د طلوع نیوز خبري څانګې رییس خپلواک ساپی او د ټلویزیون حقوقي سلاکار له پوښتنو وروسته بېرته خوشې شوي، خو ویاند بهرام امان لاهم له ا.ا سره بندي دی.

سمنګانو کې د «نامشروع کړنو» په تور درې ښځې او یو سړی نیول شوي

د سمنګان امنیه قومندان مولوي حبیب‌الله حماس په دغه ولایت کې د «نامشروع کړنو» په تور د درېوو ښځو او یوه سړي د نیولو خبر ورکوي. حماس ویلي، یاد کسان یې پنج‌شنبه شپه د یاد ولایت مرکز د ایبک ښار په زړه سیمه کې هغه مهال ونیول چې په یوه کور کې پر نڅا او د شرابو په څښلو بوخت وو.

خپلو سیمو ته د بې‌ځایه شویو ورګرځول؛ یو‌شمېر یې بېرته کابل ته راځي

د هېواد له یو‌شمېر ولایتونو څخه د جګړو او وچکالۍ له امله کابل ته د راغلو بې‌ځایه شویو کورنیو په خپله خوښه د بېرته ستنېدو بهیر نږدې دوه اوونۍ وړاندې پیل شو چې په دې لړ کې ګڼې کورنۍ بېرته خپلو سیمو ته وګرځول شوې.

خوست کې داعش پورې اړوند ۱۴کسان نیول شوي

په خوست کې د اسلامي امارت مسوولان وایي چې په وروستیو څو ورځو کې یې د اسلامي دولت نومې ډلې یا داعش پورې اړوند ۱۴ کسان د یاد ولایت له بېلابېلو سیمو څخه نیولې دي. د خوست د اطلاعاتو او فرهنګ وزارت رییس شبیر‌احمد عثماني سلام‌وطندار ته وايي چې نیول شویو کسانو غوښتل په دغه ولایت کې «ورانوونکي او ترهګریز» بریدونه ترسره کړي چې په دې ولایت کې د اسلامي امارت ځواکونو له لوري نیول شوي دي.

په درېوو میاشتو کې د اداري فساد ۱۳۵۳ قضیې ثبت شوي

د لویې څارنوالۍ ویاند جمشید رسولي نن د یوې خبري غونډې په ترڅ کې وویل چې د ۱۴۰۰کال په لومړيو درېو میاشتو کې یې د اداري فساد ۱۳۵۳ قضيې ثبت او رسېدنه کړې چې له ډله یې ۱۲۷۶ قضيې عادي او پاتې ۷۷ قضي بیا د اداري فساد اړوند د درنو جرمونو قضیې دي.

مرکزي بغلان ولسوالي کې نښتې؛ له ۱۰۰ ډېر سرتېري طالبانو ته تسلیم شوي

یوه باوري امنیتي سرچینه چې نه غواړي نوم یې خپور شي وایي، بېګاه د مرکزي بغلان ولسوالي اړوند د ملي اردو څه باندې ۱۰۰ سرتېري له خپلو درنو او سپکو وسلو سره طالبانو ته تسلیم شوي دي. د سرچینې په وینا، د دغو سرتېرو په تسلیمېدو سره د یادې ولسوالي ډېرې سیمې هم د طالبانو لاس ته ورغلې دي.