د هېواد یوشمېر ولایتونه په وروستیو دوو میاشتو کې د امنیتي ځواکونو او طالبانو ترمنځ د سختو جګړو شاهدان وو. په دغو ولایتونو کې ځايي سرچینې وايي چې طالبان د پرمختګ په حال کې دي.

فاریاب، بغلان، کندوز، تخار، سمنګان، پکتیا، هرات، بلخ، هلمند، نیمروز او پروان هغه ولایتونه دي چې له تېرو دوو میاشتو راهیسې په‌کې د طالبانو بریدونه زیات شوي او یوشمېر ولسوالۍ یې هم لاس ته ورغلې دي. په وروستۍ پېښه کې د کاپيسا تګاب ولسوالي دې ډلې ته په لاس ورغلې ده.

د سلام‌وطندار پښتو فېسبوک‌پاڼه وڅارئ

په دغو ولایتونو کې امنیتي سرچینې که څه هم د طالب ډلې د بریدونو زیاتوالی مني، خو ټینګار کوي چې د ولسوالیو د بېرته نیولو لپاره د افغان امنیتي او دفاعي ځواکونو عملیات روان دي.



د هرات د والي ویاند جیلاني فرهاد وايي، بېګاه او نن د دغه ولایت په یوشمېر ولسوالیو کې د افغان ځواکونو او طالبانو ترمنځ جګړه روانه ده او طالب وسله‌وال د خلکو په کورونو کې ځای پر ځای شوي دي.

سلام‌وطندار پر ټویټر هم وڅارئ

د هغه په وینا، کومانډویانو او نور ځواکونه په سیمه کې دي، خو ملکیانو ته د مرګ‌ژوبلې اوښتو د مخنیوي په موخه یې عملیات ورو روان دي.

د ۲۱۷ پامیر قول‌اردو د لوا قوماندان عباس توکلي هم وايي چې امنیتي او دفاعي ځواکونه پر خپلې همغږۍ او د طالبانو پر وړاندې تیاري بوخت دي او ډېر ژر به پیل شي.

د راپورونو پر بنسټ، د شاوخوا دوو میاشتو راهیسې په یوشمېر ولایتونو کې له سلو ډېرې ولسوالیو د طالبانو لاس ته ورغلي او د ملي دفاع وزارت تر اوسه د ۲۰ هغو د بېرته نیولو خبر ورکړی دی.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام