د تاجکستان ولسمشر امام‌علي رحمان په یوې ټيلیفوني اړیکه کې د پاکستان له لومړي وزیر سره د افغانستان په اړه خبرې کړې دي. د تاجکستان د ولسمشر دفتر اعلان کړی چې دغه تيلیفوني خبرې پرون ورځ شوي دي.

د تاجکستان د ولسمشر د دفتر د اعلان له مخې، په دغه ټيلیفوني خبرو کې د یاد هېواد او د پاکستان لومړي وزیر د سیمې سربېره د افغانستان وضعیت په اړه خبرې اترې کړې دي. امام‌علي رحمان ویلي چې تاجکستان د افغانستان وضعیت له نږدې څاري، ځکه د نوموړي په وینا، هره هغه پېښه چې په دغه هېواد کې رامنځ ته کېږي، په مستقیمه توګه د سیمې پر امنیت په پراخه توګه اغېز لري.

د سلام‌وطندار پښتو فېسبوک‌پاڼه وڅارئ

د تاجکستان ولسمشر ټينګار کړی چې د بېلابېلو ځواکونو ترمنځ د خبرو لار هوارول، په افغانستان کې د سولې او ټيکاو د راګرځولو مهم  لامل دی. رحمان په دغه بهیر کې له ټولو اړخونو سره د همکارۍ لپاره د خپل هېواد د چمتووالي خبر ورکړی.

په همدې حال کې د پاکستان د لومړي وزیر دفتر هم ویلي چې عمران خان او امام‌علي رحمان په افغانستان د ملي پخلاینې پر اهمیت ټينګار کړی دی. عمران ویلي، په افغانستان کې د خلکو بشري اړتیاوې دې ژر تر ژره هوارې شي او نړیواله ټولنه دې له دغو خلکو سره مرسته وکړي.

د پاکستان لومړي وزیر همداراز د اقتصادي ناورین څخه د مخنیوي لپاره له افغانستان سره د بېړني اقتصادي ګډون پر اهمیت هم ټينګار کړی دی. نوموړي او امام‌علي رحمان هوکړه کړې چې په دې برخه کې به د دواړو لوریو ټيلیفوني اړیکې دوام ولري.



عمران خان چې د وږي میاشتې په ۲۶مه د شانګهای سازمان په غونډه کې د ګډون لپاره د تاجکستان پلازمېنې دوشنبې ته تللی و، له امام‌علي رحمان سره یې د افغانستان په اړه هم خبرې اترې کړې وې.

عمران خان ټينګار کړی و چې د افغانستان د تاجکانو او طالبانو ترمنځ به روغه کوي. هغه له دغه سفر وروسته، وویل چې حکومت کې تاجکانو، هزارګانو او ازبکانو ته د ونډې ورکولو لپاره یې له طالبانو سره خبرې پیل کړي دي.

بل‌خوا د طالبانو او تاجکستان ترمنځ ناندریو روسیه اندېښمنه کړې. روسیې له تاجکستان او طالبانو غوښتي چې را ولاړ شوي اختلافات دې د خبرو له لارې حل کړي چې دواړو لوریو ته د منلو وي.

سلام‌‌وطندار پر ټویټر هم وڅارئ

د روسیې د بهرنیو چارو وزارت ویلي چې د طالبانو د معلوماتو پربنسټ، یوازې د تخار ولایت په سرحدي سیمو کې د طالبانو لسګونه زره ځانګړي ځواکونه ځای پر ځای شوې دي.

د یادو څرګندونو په ځواب کې طالبانو بیا تاجکستان د افغانستان په کورنیو چارو کې په لاسوهنه تورن کړی او پر دوام یې خبرداری ورکړی دی.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام