د امریکا متحده ایالاتونو لوی درستیز مارک میلي وایي، که څه هم طالبانو د افغانستان له ۴۱۹ ولسوالیو څخه ۲۰۰ یې نیولي، خو دغه ډله د ولایتونو د نیولو توان او وس نه لري. د امریکا لوی درستیز دغه څرګندونې پرون د دغه هېواد له دفاع وزیر لویډ اسټین سره په پنټاګون کې یوې خبري غونډې ته وکړې.

نوموړي نوموړي همداراز وویل چې امریکا د افغانستان امنیتي وضعیت څاري او د اړتیا د پېښېدو په صورت کې به د افغانستان له امنیتي او دفاعي ځواکونو څخه ملاتړ کوي.

د سلام‌وطندار پښتو فېسبوک‌‌پاڼه وڅارئ

مارک میلي څرګنده کړې چې ځینې خبرونه شته چې طالب جنګیالي د پرمختګ په حال کې دي او د ۴۱۹ ولسوالیو څخه یې ۲۱۲ د دوی تر ولکې لاندې دي. د نوموړي په خبره، خو طالبان په دې نه دي توانېدلي چې د ولایتونو مرکزونه ونیسي او د افغان امنیتي او دفاعي ځواکونو بنسټونه د خپلو لویو ښارونو د اوسېدونکو د ساتنې په موخه د امنیتي ځواکونو د پیاوړي کولو او د ځای پر ځای کولو په حال کې دي.

د امریکا لوی درستیز ویلي، لرې ده چې طالبان د ولایتونو پر مرکزونو فشار راوړي. په ورته مهال هغه ټينګار کړی چې د افغانستان راتلونکې په بشپړه توګه د دغه هېواد د خلکو په لاس کې ده.



بل‌خوا د امریکا دفاع وزیر لویډ اسټین په دې خبري ناسته کې وویل چې له افغانستان څخه د امریکايي ځواکونو د وتلو بهیر روان دی او تمه ده چې پاتې سرتیري تر راتلونکې یوې میاشتې پورې له دغه هېواده ووځي.

په همدې حال کې د امریکا د دفاع وزیر ټيڼګار کړی چې د دغه هېواد پوځ باید د امریکا له ډیپلوماټیک حضور څخه ساتنه وکړي. له افغانستان څخه د امریکايي ځواکونو د وتلو لړۍ د روان میلادي کال د مې په لومړۍ نېټه پیل شوې ده.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام