ذبېح‌الله مجاهد: افغانستان به د هر ډول خوځښت ځواب ورکړي

د ا.ا ویاند ذ.‌بېح‌الله م.جاهد له سلام‌وطندار سره مرکه کې که څه هم د پاکستان د لنډمهالي لومړي وزیر انورالحق کاکړ د هغو څرګندونو په اړه بې‌خبري ښيي چې ویلي دي، دغه هېواد به په مشخص وخت کې د ځان د دفاع لپاره په افغانستان کې نظامي عملیات وکړي، خو ټینګار کوي چې د افغانستان حکومت چمتو دی چې په داسې وضعیت کې خپله خاوره وساتي.

عامې روغتیا وزارت ۱۷ ولايتونو کې د سترګو۴۲۰۰ وړیا عملیاتونه کوي

د عامي روغتيا وزارت مسوولان وايي چې د روان کال تر پایه به د هېواد په ۱۷ ولايتونو کې په وړیا توګه د سترګو ۴۲۰۰ عملیاتونه وکړي.

د یاد وزارت د سترګو درملنې د امريت امر اغامحمد توتاخېل دغه څرګندونې روزګان ته د سترګو درملنې يوه متخصص ټيم سره د سفر پر مهال کړي دي.

د کولمبیا ځنګل کې ۴۰ ورځې وروسته څلور ماشومان ژوندي موندل شوي

د کولمبیا په امازون ځنګل کې د یوې کوچنۍ الوتکې له لوېدو ۴۰ ورځې وروسته څلور ماشومان ژوندي موندل شوي دي.

د کولمبیا پوځ او د سیمې اوسېدونکو دغه ماشومان د کاکویټا او ګوویر ولایتونو ترمنځ په امازون ځنګل کې له څه باندې پنځو اوونیو وروسته موندلي دي.

ا.ا په بلخ کې د یوشمېر داعشیانو د وژل کېدو خبر ورکړ

د ا.ا ویاند ذبېح.‌الله م.جاهد نن د کب په اووه‌ویشتمه، د شنبې ورځ، سهار وختي پر ټویټر لیکلي چې د ا.ا ځواکونو بېګاه ناوخته د بلخ ولایت د مرکز مزارشریف ښار په پنځمه، شپږمه او اتمه ناحیه کې د داعشیانو پر پټن‌ځایونو بریدونه کړي دي. د نوموړي په وینا، په دغو عملیاتو کې یوشمېر داعشیان وژل شوي او وسلې او مهمات یې د دوس لاس ته ورغلي دي. هغه زیاتوي چې د ا.ا یو غړی هم په دغو عملیاتو کې ټپي شوی دی.

هرات کې د داعش ډلې شپږ غړي وژل شوي

د هرات د امنیې قومنداني د رسنیو دفتر په یوې خبرپاڼه کې ویلي، دغه ولایت کې د داعش ډلې پر یوه پټن‌ځای د عملیاتو پر مهال د یوې ښځې په ګډون د یادې ډلې شپږ غړي وژل شوي دي. دغه عملیات بېګاه ۱۰بجې د هرات ښار د څوارلسمې ناحیې اړوند «رباط کابلي‌ها» سیمه کې رامنځته شوې ده. د عملیاتو پر مهال له یادو کسانو څخه درې میله کلاشینکوف، پنځه میله توپانچې، یو دوربین او ۱۵ موبایلونه هم ترلاسه شوي دي.

ا.ا په کابل کې د درې داعشیانو د وژل کېدو خبر ورکړ

د ا.ا د استخباراتو عمومي ریاست پر ټویټر لیکلي چې کابل ښار کې یې درې داعشیان وژلي دي.
دغه ریاست لیکلي چې ځانګړو ځواکونو یې د سلواعې په ۲۴مه، د دوشنبې ماښام د کابل ښار د اتمې امنیتي حوزې اړوند په کارته‌نو سیمه کې د داعش ډلې پر یوه پټن‌ځای پېچلي عملیات وکړل.

د ا.ا ویاند: کابل ښار کې له ماښام راهیسې د داعشیانو پر پټن‌ځای عملیات روان دي

د اسلامي امارت ویاند ذ.بېح الله م.جاهد پر ټویټر لیکلي چې ځواکونو یې نن ماښام د کابل ښار په کارته‌نو سیمه کې د داعشیانو پر یوه پټن‌ځای عملیات پیل کړي دي.
د نوموړي په وینا، تر اوسه یوشمېر داعشیان وژل شوي، خو په وینا یې، سیمه کې د ګڼه‌ګوڼې له کبله عملیات په ځنډ روان دي.

ترکیه او سوریه کې زلزله؛ د مړو شویو کسان شمېر ۴۸۰۰ ته لوړ شوی

په ترکیه او سوریه کې د پرون ورځې د شوې زلزلې له امله د مړو شویو کسانو شمېر ۴۸۰۰ کسانو ته لوړ شوی دی. د رسنیو د راپورونو له مخې، دغې شمېرې د لوړېدو په حال کې دي.

ترکیه چې د دې زلزلې له امله ډېر ځپل شوی نن سه‌شنبه د سلواغې ۱۸مه رسنیو راپور ورکړی چې دغه هېواد کې د مړو شویو کسانو شمېر ۳۳۸۱ ته لوړ شوی دی.

اسلامي امارت: کابل او ننګرهار کې مو لس داعشیان ووژل

د اسلامي امارت ویاند ذبېح‌الله مجاهد پر خپله ټوېټرپاڼه لیکلي چې د اسلامي امارت ځواکونو کابل کې د داعش ډلې پر یوه پټن‌ځای عملیات کړي دي. د نوموړي په وینا، دغه عملیات بېګاه ناوخته چهارشنبه د مرغومې څوارلسمه د کابل اتمې حوزې اړوند د قلعه‌چې او شهدای صالحین سیمو کې شوی دی.

د عامې روغتیا وزارت هلمند کې د سترګو ناروغانو وړیا درملنه پیل کړې

د عامې روغتیا وزارت یوې متخصصې ډلې په هلمند کې د سترګو ناروغۍ د سلګونه کسانو وړیا درملنه پیل کړې ده.

د هلمند د عامې روغتیا ریاست مسوولان چې دغه ولایت کې دعامي روغتیا وزارت د یو نهه کسیزه متخصیص ټیم لخوا د سترګو ناروغانو درملنه پیل شوې ده.

داعش ډلې د خپل مشر د وژل‌کېدو خبر ورکړی

د اسلامي دولت نومي ډلې (داعش) اعلان کړی چې د یادې ډلې مشر ابوالحسن الهاشمي القرشي په یوې نښته کې وژل شوی دی.

د فرانسې خبري اژانس د راپور پر بنسټ،  د داعش ډلې ویاند ابوعمر المهاجر پرون چهارشنبه د  نومبر۳۰مه پرته له دې چې د یادې ډلې د مشر د وژنې څرنګوالی او نېټه په ډاګه کړي، ویلي‎ چې نوموړی د «خدای له دښمنانو سره په نښته» کې وژل شوی دی.

اسلامي امارت: هرات کې مو پنځه داعشیان ووژل

د هرات استخباراتو د یوې خبرپاڼې په خپرولو سره ویلي چې د دغه ریاست ځواکونو یاد ولایت کې د عملیاتو پر مهال پنځه داعشیان وژلي دي.

د خپرې شوې خبرپاڼې له مخې، دغه عملیات بېګاه شپه د لړم ۲۴مه د هرات ښار په «ملاباباجي» سیمه کې د داعش ډلې د غړیو پر یوه پټن‌ځای شوي دي.