د هېواد لومړۍ مېرمن رولا غني ازادي راډیو سره مرکه کې د ولسي جرګې د کړنو له څرنګوالي نیوکه کړې او ویلي يې دی، دغه جرګه د وکیلانو ترمنځ د پېر او پلور په ډګر بدله شوې ده.

رولا غني ویلي، ان که ولسي جرګه رضایت هم ونه‌لري، د پوهنې وزارت سرپرسته رنګینه حمیدي او د ښځو چارو وزارت سرپرسته حسینه ساپۍ چې نه دي توانېدلي له ولسي جرګې د باور رایه ترلاسه کړي، خپلو دندو ته دوام ورکوي.

د نوموړې دغو څرګندونو د ولسي جرګې د اکثریت غړيو غبرګونونه راپورته کړي. دوی دغه څرګندونې نامسوولانه او د قانون پر خلاف بولي.

د ولسي جرګې غړې مسعودې کروخي سلام‌وطندار ته وويل، د رولا غني موقف ناقانونه او تشریفاتي دی.

د کروخي په وینا، د رولا غني څرګندونې ښيي چې هغه تر خپل قانوني موقف بهر د هېواد مسایلو کې لاسوهنه کوي.

د ولسي جرګې نور غړي د رولا غني څرګندونې سیاسي ځور ازمایل او باج‌اخیستل بولي او دې برخه کې د لومړۍ مېرمنې د ځواب ویلو غوښتنه کوي.

د ولسي جرګې غړي د رولا غني څرګندونې د اساسي قانون پر خلاف بولي.

پوښتنه دلته ده چې ایا هغه د قانون له نظره د دغه ډول څرګندونو صلاحیت لري؟ د حقوقي چارو کارپوه وحید فرزه‌يي وايي، لومړۍ مېرمن هېواد کې رسمي صلاحیت نه لري او په دې توګه، مهمو سیاسي موضوعاتو کې د نظر ورکولو حق هم نه لري.

د رولا غني څرګندونې د ټولنیزو شبکو د کاروونکيو له جدي غبرګونونو سره هم مخ شوې دي. د ټولنیزو شبکو کاروونکي وايي، د هېواد لومړۍ مېرمن له قانون څخه ناخبره ده.

له ډېرو هڅو سره سره ونه توانېدو چې دغه راپور کې د هېواد د لومړۍ مېرمن د دفتر نظر ترلاسه کړو.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام