د هېواد لومړۍ مېرمن رولا غني ازادي راډیو سره مرکه کې د ولسي جرګې د کړنو له څرنګوالي نیوکه کړې او ویلي يې دی، دغه جرګه د وکیلانو ترمنځ د پېر او پلور په ډګر بدله شوې ده.
رولا غني ویلي، ان که ولسي جرګه رضایت هم ونهلري، د پوهنې وزارت سرپرسته رنګینه حمیدي او د ښځو چارو وزارت سرپرسته حسینه ساپۍ چې نه دي توانېدلي له ولسي جرګې د باور رایه ترلاسه کړي، خپلو دندو ته دوام ورکوي.
د ښار جوړونې او ځمکو وزیر محمود کرزي نن په کابل کې د دغه وزارت او الغرافه خیریه موسسې ترمنځ د هوکړهلیک د لاسلیک مراسمو کې وویل چې د استوګنیز ښارګوټي جوړول اړمنو ته د کور برابرولو لپاره مهم ګام دی.
د کورنیو چارو وزارت وایي، د وسلهوالو طالبانو بريدونو کې په تېرو ۳ میاشتو کې ۴۸۷ ملکي وګړي وژل شوي او ۱۰۴۹ نور ټپیان شوي دي. دغه شمېرې د ياد وزارت وياند طارق ارين پر خپله ټوېټرپاڼه ليکلي.
نوموړي ليکلي، طالبانو په دومره موده کې ۳۵ ځانمرګي بریدونه او ۵۰۷ چاودنې کړې دي.
د ټاکنو خپلواک کمیسیون رييسې حوا علم نورستانۍ نن کابل کې یوې خبري غونډه کې وویل، د ولایتي شوراګانو، د غزني د ولسي جرګې او د ځینو ښاروالیو ټاکنې به د راتلونکي کال تلې میاشت کې وشي. د نوموړې په وینا، د ټاکنو خپلواک کمیسیون د ۱۳۹۹ کال د اسد میاشتې په ۱۶مه د ولایتي شوراګانو…
د عامې روغتیا وزارت وايي چې په تېرو ۲۴ ساعتونو کې ۱۷ کسان د کورونا له کبله مړه شوي دي.
د بامیان محلي چارواکي په د دغه ولایت د یکاولنګ ولسوالي دویمې برخې په «دهسرخک» سیمه کې د درې تاریخي اثارو د موندلو کېدو خبر ورکوي.
د هرات ولايت محلي مسوولان وايي چې په دې ولايت کې د ۳ کسانو سوځول شوي جسدونه موندل شوي دي.
د ياد ولايت د امنيې قومندانۍ ویاند عبدالاحد وليزاده سلاموطندار ته وايي، دغه درې جسدونه چې یوه یې ښځه، یو ماشوم او بل یې نارینه دی، تېره شپه د انجیل ولسوالۍ «کهدستان» سیمه کې کشف شوي او حوزوي روغتون ته لېږدول شوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
