د کابل پولیس وايي چې د شکردرې ولسوالي په یوه جومات کې د جمعې لمانځه پر مهال د چاودنې له کبله د وژل شویو کسانو شمېر ۱۲ ته ورسېد.
د کابل د پولیسو ویاند فردوس فرامرز وايي، په یاده چاودنه کې د جومات مفتي نعمان هم وژل شوی او ۱۵ نور کسان ټپیان شوي دي. هغه زیاتوي، لا هم د مرګژوبلې شمېرې وروستۍ نه دي او ښايي بدلون پهکې راشي.
د سلاموطندار پښتو فېسبوکپاڼه وڅارئ
د کابل د شکردرې ولسوال ګوهرخان بابري د چاودنې په لومړیو شېبو کې سلاموطندار ته ویلي و چې چې نن ماسپښین شاوخوا یوهنیمه بجه د کابل شکردرې ولسوالي د حاجي بخشي سیمې په مرادبېک کلا کې د جمعې لمانځه پر مهال چاودنه شوې او له کبله یې د جومات د مفتي په ګډون، ۶ کسان وژل شوي او له ۲۰ ډېر نور ټپیان دي.
- د کابل په یوه جومات کې چاودنه؛ ۶ کسان وژل شوي او له ۲۰ ډېر ټپیان دي
- د کابل پروني برید کې د وژل شویو کسانو شمېر له ۵۰ واوښت
- د روژې له پېله تراوسه ۳۰۰ ملکیان وژل شوي او له ۵۰۰ډېر تپیان دي
د دې چاودنې مسوولیت تر اوسه کوم چا یا وسلهوالې ډلې نه دی منلی. د طالب ډلې ویاند ذبېحالله مجاهد په دې چاودنه کې لاس لرل رد کړي او هغه یې غندلې ده.
دا په داسې حال کې ده چې د افغان دولت او طالبانو ترمنځ د اختر په درې ورځو کې اوربند شوی دی. تر دې مخکې د اختر په لومړۍ ورځ په کندهار، کندوز او غزني ولایتونو کې د ماین چاودنو له کبله ۱۱ کسان ووژل شول او له ۱۷ ډېر ټپیان شول.
