د کابل د شکردرې ولسوال ګوهرخان بابري سلام‌وطندار ته ویلي چې نن ماسپښین شاوخوا یوه‌نیمه بجه د کابل شکردرې ولسوالي د حاجي بخشي سیمې په مرادبېک کلا کې د جمعې لمانځه پر مهال چاودنه شوې ده.

مفتي نعمان

د نوموړي په وینا، په یاده چاودنه کې د جومات د مفتي نعمان په ګډون، ۶ کسان وژل شوي او له ۲۰ ډېر نور ټپیان دي.

د سلام‌وطندار پښتو فېسبوک‌پاڼه وڅارئ

په همدې حال کې د کابل د پولیسو ویاند فردوس فرامرز هم د پېښې د پخلي ترڅنګ، وايي چې د لومړنیو معلوماتو له مخې، په چاودنه کې ۴ کسان وژل شوي او له ۲۰ ډېر نور ټپیان دي.

د هغه په وینا، د یادې چاودنې له کبله د اوښتې مرګ‌ژوبلې شمېرې وروستۍ نه دي او ښايي نورې هم لوړې شي.



د دې چاودنې مسوولیت تر اوسه کوم چا یا وسله‌والې ډلې نه دی منلی.

دا په داسې حال کې ده چې د افغان دولت او طالبانو ترمنځ د اختر په درې ورځو کې اوربند شوی دی. تر دې مخکې د اختر په لومړۍ ورځ په کندهار او کندوز ولایتونو کې د ماین چاودنو له کبله ۹ کسان ووژل شول او ۱۷ نور ټپیان شول.

پدې خبر پورې اړوند:

کلیدواژه‌ها: // // // //

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام