ولسمشر غني له طالبانو وغوښتل چې د افغان سولې بهیر په اړه د روان فرصت هرکلی وکړي او سولې ته دې غاړه کېږدي. ولسمشر غني نن د کوچني اختر له لمانځه وروسته وویل، د بهرنیو ځواکونو له وتلو سره سم د سولې ټینګښت لپاره ستر فرصت رامنځته شوی او له طالبان باید له دغه تاریخي فرصت څخه ګټه واخلي او سوله وکړي.

ولسمشر غني وویل، د طالبانو لپاره د ولس او جمهوریت غېږه خلاصه ده او دا ډله دې هم د ټولنې بېلابېلو پوړونو ته درناوی وکړي. ولسمشر ټینګار وکړ چې د رښتینو خبرو اترو او د افغانستان ۴۱ کلن کړکېچ د پای ته رسولو لپاره دې لویه جرګه کې ګډون وکړي.

ولسمشر غني وویل: «طالبانو ته وایم چې تر دې ښه فرصت به لاس ته در نه شي، دا ستاسو تر ټولو لوی فرصت دی. ټولې کیسې ختمې شوې، بهرني ځواکونه ووتل او د افغانستان خلک د سولې لپاره پر اجماع جوړولو بوخت دي. افغانانو درته غېږ خلاصه کړې چې راشئ. د ولس او جمهوریت غېږه ډېره پراخه ده.»

سلام‌وطندار پښتو فېسبوک‌پاڼه وڅارئ

ولسمشر غني د افغان سولې په اړه د سیاسي اجماع جوړېدو په اړه ډاډ ورکړ او طالبانو ته یې وویل چې جګړه د حل لاره نه ده او بلکې په تفاهم او سیاسي جوړجاړي سولې ته رسېدای شو.

 ولسمشر د خپلو خبرو په یوه برخه کې وویل چې د پاکستان د پوځ لوی درستیز جنرال قمر جاوید باجوه کابل ته د خپل سفر پر مهال په روښانه ټکو ورته ویلي چې افغانستان کې د اسلامي امارت بیا را ژوندي کول د پاکستان په ګټه نه دي.

ولسمشر غني د بهرنیو ځواکونو وتل، د هېواد په تاریخ کې یو ستر فرصت وباله او ویې ویل چې له افغانستانه د بهرنیو ځواکونو له وتلو سره به په بشپړه او هراړخیزه توګه ملي حاکمیت پر پښو ودرېږي.



هغه وویل: «ډاډ ولرئ چې نړیواله همکاري او مرستې به په سمه او اغېزناکه توګه تنطیم شي. ډېر ژر به تاسو د افغان سولې په اړه د یوې سیمه‌ییزې اجماع شاهدان واوسئ.»

ولسمشر وړاندې وویل چې د سیمې هېوادونه افغانستان ته د یوه فرصت له وره ګوري او افغانستان کې سوله او ټيکاو په سیمه کې د ثبات او سولې په مانا ده.

بله‌خوا ولسمشر غني په هېواد کې د کورونا ویروس د درېیمې څپې په اړه خبرداری ورکړ او له هېوادوالو یې وغوښتل چې د کوچني اختر په ورځو کې د عامې روغتیا وزارت لارښوونو ته پام وکړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام