په دایکندي کې د طالبانو امنیتي مسوولان وایي چې د دغه ولایت په اجرستان ولسوالي کې د هاوان مرمۍ د چاودنې له امله دوه کسان وژل شوي او ۱۲ نور ټپیان دي.
د سلاموطندار پښتو فېسبوکپاڼه وڅارئ
د دایکندي لپاره د طالبانو امنیتي مسوول صدیقالله عابد سلاموطندار ته وایي چې دغه پېښه نن سهار د اجرستان ولسوالي اړوند د زړو وسپنو په یوه بازار کې رامنځ ته شوې ده.
د دایکندي لپاره د طالبانو امنیتي مسوول زیاتوي چې د پېښې قربانیان کارکوونکي او ملکیان دي.
اجرستان ولسوالي له دې وړاندې د غزني اړوند ولسوالي وه، خو پر افغانستان د طالبانو له ولکې وروسته، دغې ډلې اجرستان ولسوالي دایکندي ولایت پورې وتړله.
