سمنګان کې د هاوان مرمۍ چاودنې درې ماشومان وژلي
د سمنګان د کوز درهصوف ولسوال شمسالله شمشاد وايي چې د چنګاښ میاشتې په ۲۶مه، د دوشنبې ورځ، سهار شاوخوا نهه بجې په دې ولسوالي کې د هاوان مرمۍ د چاودنې له امله درې ماشومان وژل شوي او دوه نور ټپیان دي.
د سمنګان د کوز درهصوف ولسوال شمسالله شمشاد وايي چې د چنګاښ میاشتې په ۲۶مه، د دوشنبې ورځ، سهار شاوخوا نهه بجې په دې ولسوالي کې د هاوان مرمۍ د چاودنې له امله درې ماشومان وژل شوي او دوه نور ټپیان دي.
د میدانوردګ امنیتي مسوولان وايي چې دغه ولایت کې د یوه راکټ د سرګلولې د چاودنې له کبله دوه ماشومان وژل شوي دي.
د میدانوردګ د امنیې قومنداني ویاند محمدیوسف اسرار سلاموطندار ته ویلي چې دغه پېښه تېره ورځ د یاد ولایت د سیداباد ولسوالي اړوند «تنګي دره» کې رامنځته شوې ده.
د غزني محلي مسوولان وايي چې د دغه ولایت په واغظ ولسوالي کې د هاوان مرمۍ چاودنه کې یو ماشوم وژل شوی او پنځه نور ټپیان شوي دي. د درېوو ټپیانو روغتیايي وضعیت نازک ښودل شوی دی. د هغه په وینا، یاده پېښه د غزني ولایت د واغظ ولسوالي په «چهارده» کلي کې شوې ده.
د لوګر د څلورمې پلې لوا قوماندان مولوي محمدګل خیبر سلاموطندار راډيو ته ویلي چې پرون د جمعې ورځ، مازدیګر مهال د دغه ولایت د مرکز پلعلم اړوند په «التمور» سیمه کې پر ماشومانو د هاوان سرګلوله چاودلې چې له کبله یې دوه ماشومان وژل شوي او دوه نور ټپیان دي.
د بادغیس محلي مسوولان وايي چې یوه ځوان د سلواغې په ۲۹مه، د شنبې په مازدیګر د دغه ولایت د قادس ولسوالي په «قادس خوردک» سیمه کې په تېروتنې ډز کړی او مور یې وژلې ده.
د فراه امنیه قومانداني په دغه ولایت کې د هاوان یوې ناچاودې مرمۍ د چاودنې له کبله د درې ماشومانو د وژل کېدو خبر ورکوي.
د پکتیا محلي مسوولان وايي چې د دغه ولایت په ځاځياریوب ولسوالي کې د هاوان مرمۍ د چاودنې له کبله دوه ماشومان وژل شوي او دوه نور ټپیان دي.
د پکتیکا محلي مسوولان وايي چې پرون ماښام د دغه ولایت د یحيخېلو ولسوالي په «یحيخېلو» کلي کې د یوې هاوان مرمۍ د سرګلولې د چاودنې له امله یو ماشوم وژل شوي او دوه نور ټپیان دي.
د ننګرهار ولایت اړوند په لعلپورې ولسوالي کې د ناچاودې مرمۍ د چاودنې له امله اته ماشومان وژل شوي او ۳ نور ټپیان دي. د سیمې اوسېدونکي وایي چې دغه پېښه نن سهار شاوخوا لس بجې د دې ولسوالي په دیګانانو سیمه کې د نا چاوده مرمۍ د چاودنې له امله رامنځ ته شوې ده.
په دایکندي کې د طالبانو امنیتي مسوولان وایي چې د دغه ولایت په اجرستان ولسوالي کې د هاوان مرمۍ د چاودنې له امله دوه کسان وژل شوي او ۱۲ نور ټپیان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون