د فاریاب محلي سرچینې وايي چې طالبانو بېګاه د دغه ولایت پر قیصار ولسوالي ډلهييز برید کړی چې له کبله یې د دغې ولسوالي د امنیې قوماندان په ګډون، ۱۴ امنیتي ځواکونه وژل شوي دي.
د فاریاب د ولایتي شورا غړي نادر سعیدي سلاموطندار ته ویلي چې طالبانو د قیصار ولسوالي د امنیې قومانداني او ښاروالي ودانۍ نیولې دي. د سعیدي په وینا، په یادو نښتو کې د قیصار ولسوالي د امنیې قوماندان سیفالرحمان دهزاد په ګډون، ۱۴ امنیتي ځواکونه وژل شوي او ۳۷ نور طالبانو نیولي دي.
د سلاموطندار پښتو فېسبوکپاڼه وڅارئ
هغه زیاتوي، طالبانو ۳۰ نور امنیتي ځواکونه د قیصار ولسوالي په ودانۍ او ۶۰ نور د دغې ولسوالي په کوهي سیمه کې کلابند کړي او که مرستې ور ونه رسېږي، یادې دوه سیمې به هم د طالبانو لاس ته ورشي. د فاریاب امنیتي مسوولانو او طالب ډلې تر اوسه په دې اړه څه نه دي ویلي.
- د مرکزي بغلان ولسوالي پر امنیه قومندانۍ د وسلهوالو طالبانو موټر بم برید
- په تېرو دوو ورځو کې هلمند او غور کې ۱۶ملکیان وژل شوي
- د غور تيوره ولسوالۍ د سقوط په درشل کې
بلهخوا په غور کې یوه امنیتي سرچینه چې نه غواړي نوم یې یاد شي، سلاموطندار ته ویلي چې طالبانو بېګاه ناوخته د دغه ولایت په شهرک ولسوالي کې د امینتي ځواکونو پر یوې پوستې له چاودېدونکو توکو ډک هاموې ته چاودنه ورکړې او بیا یې جګړه پیل کړې ده.
د سرچینې په وینا، په یاده پېښه کې اته امنیتي ځواکونه وژل شوي او اووه نور د طالبانو لاس ته ورغلي دي. سرچینه زیاتوي چې اوس دا ولسوالي د امنیتي ځواکونو په لاس کې ده او طالبان یې په شاوخوا سیمو کې را ټول شوي دي.
سرچینه وايي، له بېګاه راهیسې د غور په مرکز فېروزکوه ښار کې له سلام پرته د ټولو مخابراتي شبکو فعالیت درېدلی دی.
په همدې حال کې د غور والي عبدالظاهر فیضزاده هم دا پېښه تاییدوي او وايي چې نهه امنیتي ځواکونه پهکې وژل شوي او شپږ نور ورک دي.
د نوموړي په وینا، طالبانو دغه موټربم برید د دغه ولایت د امنیې قومانداني د دویم سمت د آمر حیاتالله عادل د هاموې په وسیله چې څه موده مخکې له طالبانو سره یوځای شو، کړی دی. د غور والي وايي چې په یاد برید کې ۱۳ طالبان هم وژل شوي دي.
طالبانو تر اوسه په دې اړه څه نه دي ویلي.
