د میدان وردګ ولایت په چک ولسوالي کې د کوچني اختر په پنځمه د ۱۲ لوبډلو ترمنځ د کرېکت سیالۍ پیل شوې وې چې پرون جمعه د چک بازانو لوبډلې په اتلولۍ سره پای ته ورسېدې.
د یادو سیالیو پای لوبې ته د چک بازانو او چک اتلانو لوبډلو لار موندلې وه چې بازانو لوبډلې اتلانو ته په ماتې ورکولو سره د یاد جام اتلولي خپله کړه.
د سلاموطندار پښتو فېسبوکپاڼه وڅارئ
د میدان وردګ د بدني روزنې امر ذبېحالله وهاج سلاموطندار ته وویل چې د کرېکټ دغه سیالۍ په خوندي توګه ترسره شوې چې په وینا یې، هره ورځ لسګونه کسان یې د نندارې لپاره راتلل.
وهاج زیاته کړه چې د دغو سیالیو پای لوبې ته په ترسره شویو سیالیو کې د چک بازارنو لوبډلې لومړی مقام ترلاسه کړ. نوموړي زیاته کړه چې د یادې سیالیو اتلې لوبډلې ته ۲۰۰۰۰ افغانۍ او دویمې لوبډلې ته بیا ۱۵۰۰۰ افغانۍ د ډالۍ په توګه ورکړل شوې.
بلخوا د کرېکټ لوبې مینهوال سلاموطندار ته وايي چې هره ورځ به د یادو سیالیو نندارې لپاره لوبغالي ته تلل او له لوبو څخه به یې خوند اخیسته. دوی همداراز د افغانستان د کرېکټ ملي لوبډلې له یوشمېر پخوانیو لوبغاړو هم مننه وکړه چې د لوبغاړو د هڅونې په موخه دغې ولسوالي ته ورغلي وو.
