د میدان وردګ د امنیې قومانداني مسوولانو سلاموطندار ته په یوه لېږلې خبرپاڼه کې لیکلي چې د دغه ولایت اړوند د کابل-کندهار پر لویې لارې ټرافیکي پېښه شوې چې له کبله یې درې کسان مړه او درې نور ټپیان شوي دي.
په میدان وردګ کې د مڼې ګل یوویشتمه دودیزه مشاعره سږ کال د دغه ولایت د چک ولسوالي اړوند د «چک برښنا بند» سیمه کې جوړه شوه چې ګڼشمېر نوموتو شاعرانو او مینهوالو پهکې ګډون کړی و. دا مشاعره پرون ماسپښین درې بجې پیل او د بېګاه شپې تر ناوخته یې دوام وکړ.
د میدان وردګ د امنیې قومانداني مسوولان وايي چې په دغه ولایت کې له تېرو جګړو د پاتې هاوان مرمۍ چاودنه کې یو ماشوم وژل شوی او بل هم ټپي شوی دی.
مېدانوردګ کې له تېرو جګړو څخه پاتې د هاوان مرمۍ د سرګلولې چاودنې له کبله پنځه ماشومان وژل شوي او دوه نور ټپیان دي.
د میدانوردګ چارواکي وایي، پرون جمعه (د غويي اتمه) شاوخوا ۴بجې د دغه ولایت د سیداباد ولسوالي دښتټوپ سیمې په «دیوالګي» کې د هاوان مرمۍ د سرګلولې چاودنې له امله پنځه ماشومان وژل شوي او دوه ټپیان دي.
د میدانوردګ د مرکزي بهسودو ولسوالي اوسېدونکي یاده ولسوالي کې د ښځینه متخصصو ډاکټرانو او درملو کمښت څخه د اندېښنې په څرګندونو سره وايي چې دې چارې خلک له ګڼو ستونزو سره مخ کړي دي. دوی زیاتوي چې لرو پرتو ولسوالیو کې د پخوا په پرتله د ښځینه ډاکترانو او درملو کمښت ستونزه دوه برابره شوې
د میدان وردګ ولایت چارواکي وايي، د کابل-کندهار پر لویې لارې د دغه ولایت د مرکز میدانښار اړوند په «کوتل» سیمه کې د یوه ۴۰۴ ډوله موټر او سراچې ترمنځ ټکر شوی او له کبله یې درې کسان مړه شوي دي. د میدان وردګ ولایت د عامې روغتیا رییس ډاکټر زرک ځیرک سلاموطندار ته ویلي چې پېښه پرون مازدیګر مهال د موټرچلوونکو د بېغورۍ او بېاحتیاطۍ له کبله شوې ده.
میدانوردګ کې د کرېکټ امریت له لوري د ولایتي لوبډلې د غوراوي په موخه د ۱۷ لوبډلو ترمنځ د کرېکټ سیالي پیل شوې.
د میدانوردګ یوشمېر فرهنګیانو او اوسېدونکو سلاموطندار ته ویلي چې مرکز میدانښار، نرخ، جلریز، سیداباد، چک او بهسودو ولسوالیو کې ډېری تاریخي سیمې د نړېدو له ګواښ سره مخ دي.
د میدانوردګ د عامې روغتیا ریاست مسوولان وايي چې د بېګاه شپې د سېلابونو راوتو له امله د سیداباد ولسوالي د «درې دواب» کلي روغتیايي مرکز په بشپړه توګه ویجاړ کړی دی. نوموړی زیاتوي چې له ولایتي روغتون څخه یې یادې سیمې ته سیاره روغتیایي ډله رسېدلې او زیانمنو خلک ته روغتیایي خدمتونه وړاندې کوي.
په میدانوردګ کې چارواکي وايي، د دغه ولایت په یوشمېر ولسوالیو کې د بېګاه شپې اورښتونو له امله سېلابونه راوتلي چې پرمهال درې کسان مړه شوي دي. د مېدانوردګ د پېښو پروړاندې د چمتووالي رییس فیضالله جلالي سلاموطندار ته ویلي، بېګاه په سیداباد، چک او جلریز ولسوالیو کې د شویو بارانونو له امله سېلابونه راوتلي دي. جلالي زیاته کړې چې د جلرېز «دره بوغه» سیمه کې د راوتلو سېلابونو له امله یوه مېرمن او دوه ماشومان مړه شوي.
د میدان وردګ محلي مسوولان وايي چې دغه ولایت کې د وروستیو اورښتونو پرمهال سېلابونه راوتلي چې له امله یې ۱۵ کسان مړه شوي دي.
د میدان وردګ د طبیعي پېښو پروړاندې د مبارزې رییس فیضالله جلالي سلاموطندار ته ویلي چې بېګاه ناوخته د دغه ولایت په مرکز میدانښار او شپږ ولسوالیو کې د سختو اورښتونو له امله خلکو ته درانه ځاني او مالي زیانونه اوښتي دي.
د میدانوردګ یوشمیر بڼوالو سلاموطندار ته ویلي چې د پخوا په پرتله دغه ولایت کې د ګېلاسو حاصلات او باغونه د پام وړ ډېر شوي، خو د مناسب بازار نشتون له امله ډېری بڼوال خپل حاصلات په نیمه بیه پلوري.
په میدان وردګ کې د چاودنې له امله د یوې کورنۍ یو ماشوم وژل شوی او بل ټپي دی. دغه پېښه پرون مازدیګر د میدان وردګ د سیداباد ولسوالي اړوند په لوړې کلي کې رامنځته شوې ده.
د میدان وردګ د مڼې گُل ۲۰ مه مشاعره د دغه ولایت د جلریز ولسوالي د سنګلاخ په تفریحي سیمه کې د لسګونو شاعرانو، لیکوالانو او فرهنګیانو په ګډون جوړه شوه.
د میدان وردګ ولایت په چک ولسوالي کې د کوچني اختر په پنځمه د ۱۲ لوبډلو ترمنځ د کرېکت سیالۍ پیل شوې وې چې پرون جمعه د چک بازانو لوبډلې په اتلولۍ سره پای ته ورسېدې.
د میدان وردګو ولایت د عامې روغتیا مسوولان وایي چې د تېرو کلونو په پرتله، د دغه ولایت په مرکز او ولسوالیو کې د زېږون پرمهال د مور او ماشوم د مړینې کچه راټېټه شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
