د ميدان وردګو د‌ ولايتي شورا غړی شريف‌الله هوتک سلام‌وطندار ته وایي چې نن سهار شاوخوا ۹ بجې د‌ ميدان وردګو ولايت جلرېز ولسوالي له پنځه ورځنۍ کلابندۍ وروسته د طالبانو لاس ته لويدلې ده.

 هوتک زياته کړه چې د جلرېز ولسوالي امنيه قوماندان له خپلو ۳۵امنيتي ځواکونو سره يو ځای طالبانو ته تسليم شوی او ولسوالي په بشپړه توګه د طالبانو په کنټرول کې ده.

 د سلام‌وطندار پښتو فېسبوک‌پاڼه وڅارئ

نوموړی وایي چې د جلرېز ولسوالي په سقوط کې يو‌شمېر امنيتي مسوولانو بېغوري کړې او دغې ولسوالي ته په خپل وخت مرسته نه ده رسيدلې، نو ځکه د وسله‌والو طالبانو لاس ته لوېدلې.

بل‌خوا د ميدان وردګو ولايت يوې امنيتي سرچينې د نوم نه ښودلو په شرط سلام‌وطندار ته وويل چې جلرېز ولسوالي د طالبانو لاس لویدلې او په جګړه کې ۴افغان ځواکونه وژل شوي او شپږ نور ټپيان شوي دي. .

په همدې حال کې د وسله والو طالبانو یو وياند ذبيح الله مجاهد وايي چې د جلرېز  ولسوالي ودانۍ، امنيه قوماندانۍ او د ملي امنیت مدیریت ودانۍ یې نيولي دي او افغان ځواکونو ته یې درنه مرګ‌ژوبله اړولې ده.



د میدان وردګ ولایت محلي او امنیتي مسوولانو تراوسه په دې اړه څه نه دي ویلي.

دا په داسې حال کې ده چې پرون سهارهم د لغمان ولایت دولت‌شاه ولسوالي د وسله‌والو طالبانو له لوري نیول شوې ده. په لغمان کې یوې باوري دولتي سرچینې سلام‌وطندار ته ویلي چې دغه ولسوالي له څو میاشتو رهیسې د وسله‌والو طالبانو له لوري کلابنده وه او په دې موده کې دغې ولسوالي ته هېڅ مرستندویه ځواکونه نه وو استول شوي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام