په کندهار کې د افغان امنیتي او دفاعي ځواکونو او وسله‌والو طالبانو د وروستیو جګړو له امله ګڼ‌شمېر ملکیانو ته مرګ‌ژوبله اوښتې او یوه برخه یې اړ شوې چې خپلې مېنې پرېږدي.

د میرویس حوزوي روغتون امر ډاکټر محمد داوود فرهاد سلام‌وطندار ته وایي چې په تېره یوه میاشت کې د جګړو له امله په کندهار  ښار کې ۲۰ماشومان وژل شوي او ۱۳۰ ټپیان شوي دي.

د سلام‌وطندار پښتو فېسبوک‌پاڼه وڅارئ

په دې وروستیو کې د هېواد د یو‌شمېر ولایتونو سربېره پر کندهار ښار هم د وسله‌والو طالبانو پراخ بریدونه پیل شوي چې تراوسه یې د دغه ښار ګڼ‌شمېر سیمې نیولي او جګړه د ښار په منځ کې روانه ده.

په کابل کې د امریکا او  انګلستان سفارتونو څو ورځې وړاندې د جګړو له امله ملکیانو ته د اوښتې مرګ‌ژوبلې په اړه اندېښنه ښودلې وه او د جګړې له ښکېلو لوریو یې غوښتنه کړې وه چې په جګړه کې د ملکیانو ژوند ته پام وکړي.

دا په داسي حال کي ده چې تېره میاشت وسله‌والو طالبانو د کندهار ښار  پر  اوومه ناحیه برید وکړ چي تراوسه پر یادي ناحیې سربېره د ښار په یوشمېر نورو سیمو کي فعال حضور  لري او وخت نا وخت د ښار په بېلابېلو سیمو کې پر امنیتي پوستو بریدونه کوي.

سلام‌وطندار پر ټویټر هم وڅارئ

له دې سره هم‌مهاله د افغان امنیتي ځواکونو او طالبانو ترمنځ په کندهار  ښار کې د جګړو له امله تراوسه څه باندې ۱۱۰۰۰ کورنۍ بې‌ځایه شوي چې د دغه ښار په اړوند سیمو کې تر شنه اسمان لاندې  شپې او ورځې سبا کوي.

دغه بې‌ځایه شوي د جګړې له ښکېلو لوریو غوښتنه کوي چې خپلې غوښتنې دې د خبرو له لارې مطرحه کړي او له جګړې دې لاس واخلي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام