د ولسي جرګې نننۍ عمومي غونډه کې یو شمېر وکیلانو ټینګار وکړ چې د افغان سولې په اړه د استانبول کېدونکې غونډې ته دې د ډېرو طرحو د وړاندې کېدو مخه ونیول شي او د دولت له ادرسه دې د سولې په اړه واحده طرحه وړاندې شي. دوی وغوښتل چې د افغان حکومت له لوري د سولې وروستۍ طرحه دې ولسي جرګې سره هم شریکه شي.

د يادې جرګې غړي اسدالله شهباز وویل، د سولې په طرحه کې باید د ټولو افغانانو نظرونه منعکس شوي وي.

د نوموړي په وینا، د ډېرو طرحو وړاندې کول د سولې په اړه د ولس دریځ تر پوښتنې لاندې راولي او ناوړه پایلې لرلی شي.

د ولسي جرګې بل غړي خالد اسد هم د بېلابېلو ګوندونو او سیاسي ډلو له لوري د ترکیې غونډې ته د جلا طرحو په وړاندې کولو نیوکه کوي او وايي، دې طرحو کې د ولس نظر موجود نه دی. نوموړي زياته کړه، ځینې کسان د شخصي ګټو لپاره طرحې جوړوي چې دا کار د سولې په زیان دی.

په همدې حال کې د ولسي جرګې د مېرمنو د اقتدار په نامه پارلماني ډلې هم د یوې اعلامیې په وړاندې کولو سره د ترکیې غونډه مهمه وبلله او ويې ویل، دغه ناسته کې نه‌باید د بُن غونډې په څېر مېرمنو څخه د ګډون حق واخیستل شي.

دوی ټینګار وکړ چې د سولې په تړاو ټولو مسلو او ناستو کې باید ښځې او ځوانان حضور ولري او د هغوی حقونو، لاسته راوړنو او مدني ازادیو ته باید جدي پام وشي.

په همدې حال کې د ولسي جرګې مشر میررحمان رحماني ترکیې غونډه د ۴۰ کلنې جګړې د پای ته رسېدو لپاره یو ښه فرصت بولي او وايي، د سولې پروسه کې دې ټولې سیاسي ډلې، مدني ټولنې او د ټولو غوښتنې په پام کې ونیول شي.

دا په داسې حال کی ده چې د ملي مصالحې عالي شورا وایي، دوی ته ۲۵ طرحې رسېدلي او هڅې روانې دي چې افغان پلاوی ټول‌شموله وي او د استانبول غونډه کې په واحدې طرحې سره ګډون وکړي.

خو داسې راپورونه هم خپاره شوي چې ځينې سیاسي ډلې غواړي په بېلابېلو طرحو سره د استانبول غونډه کې چې ټاکل شوې روانه اپرېل میاشت کې جوړه شي، ګډون وکړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام