په هرات ښار کې یو میوه پلورونکی غلامنبي وايي چې ښار زموږ خپل کور دی او ټول مسوولان او خلک یې د ساتلو مسوولیت لري. هغه چې تازه د خپلې هټۍ مالیه د هرات ښاروالي ته ورکړې، د دغې ادارې له مسوولانو غواړي چې را ټولې شوې پیسې پر ښاري خدمتونو ولګوي.
په همدې حال کې یوشمېر هراتیان هم د ښاروالي له مسوولانو غواړي چې د مالیې راټولې شوې پیسې د دغه ښار د زیانمنو شویو سیمو پر رغولو ولګوي او د هرات ښار پاکوالي ته هم پام وکړي.
د سلاموطندار پښتو فېسبوکپاڼه وڅارئ
د هرات اوسېدونکی خالد نیازی وايي، د ښاروالي له لوري د مالیې راټول شوې پیسې د خلکو دي او باید بېرته د ښار پر رغولو او پاکولو ولګول شي.
د دغه ولایت یو بل اوسېدونکی حسیبالله احمدي هم وايي چې طالبان باید له خلکو د مالیې را ټولولو په بدل کې هغوی ته لازم خدمتونه وړاندې کړي، څو په ښه او ازاده هوا کې ژوند وکړي.
د هرات ښاروال شرفالدین مخلص وايي چې په تېره یوهنیمه میاشت کې یې له څوارلس میلیونه افغانیو ډېر عواید چې ډېری یې د کورونو پاکوالي، د خپلسرو لوړپوړو ودانیو د جوړولو جریمې او کسبهکارانو ته د جوازونو د ورکړې له لارې راټول کړي دي.
د هرات ښاروالي مسوولان ډاډ ورکوي چې را ټولې پیسې به د ښاري چارو پر تنظیم او خلکو ته د ښو خدمتونو پر وړاندې کولو ولګوي.
