د سوداګرۍ او پانګونې خونه: ا.ا دې د مالیې ورکوونکو کاروبار ته په کتو د مالیې کچه وټاکي

د افغانستان د سوداګرۍ او پانګونې خونې او خصوصي سکټور مسوولان د ا.ا د هغې طرحې هرکلی کوي چې له مخې به یې له خصوصي سکټور څخه کمه مالیه اخیستل کېږي.
د افغانستان د سوداګرې او پانګونې خونې رییس یونس مومند وايي، افغان سوداګر پر خصوصي سکټور د مالیې له کمېدو سره سره له ګڼو ستونزو سره مخامخ دي.

لوګر کې د حکومت له لوري د لوړې مالیې له اخیستو د هټۍ‌والو شکایت

د لوګر د مرکز پل‌علم ښار یو‌شمېر هټۍ‌وال د حکومت له لوري د دغه ولایت له هټۍ‌والو څخه د لوړې مالیې له اخیستلو شکایت کوي.

دوی سلام‌وطندار ته ویلي چې کاروبار یې خراب دی او د مالیې د ورکړې توان نه‌لري. یو هټۍوال محمدعمران سلام‌وطندار ته وايي چې د پخوا په پرتله یې کاروبار خراب شوی او حکومت ته ماليه نشي‌ ورکولای.

هلمند کې د مالیې لوړېدو په اړه د هټۍ‌والو شکایت؛ مسوولان: نه ده لوړه شوې

د هلمند په مرکز لښکرګاه ښار کې ګڼ‌شمېر هټۍوال وايي، له یوې خوا یې د تېر په پرتله سودا کمه شوې او بله‌خوا پرې حکومت ټکس او مالیه لوړه کړې ده. د دوی په وینا، دغه وضعیت یې له ۵۰ تر ۷۰ سلنه ګټه وټه کمه کړې ده. یو هټۍ‌وال محمدولي محمدي وايي چې د هلمند مستوفیت ترې ډېره مالیه ټولوي.

د مالیې راټولولو اوونۍ؛ حنفي: یوه افغانۍ به بې‌ځایه نه لګول کېږي

 د اسلامي امارت د رییس‌الوزرا دویم مرستیال عبدالسلام حنفي نن په کابل کې د مالیې راټولولو اوونۍ څخه د نمانځنې په یوې غونډې کې وویل چې د راټولې شوې مالیې یوه افغانۍ به بې‌ځایه نه لګول کېږي. نوموړي زیاته کړ چې مالیه باید په سیستماتیک ډول راټوله او ترې د هېواد په ابادۍ او د اړتیا پوره کولو په برخه کې ګټه واخیستل شي.

سوداګرو ته د اسانتیاوو برابرولو په موخه مالیې وزارت پاکستان ته پلاوی لېږلی

د مالیې وزارت ویاند احمد‌ولي حقمل سلام‌وطندار ته وویل، هغه سوداګر چې هم افغانستان او هم پاکستان کې فعالیت لري، دواړو هېوادونو کې ورڅخه د مالیې اخیستو له ستونزو سره مخ دي. هغه ویلي چې له دواړو هېوادونو څخه سوداګر باید یوه هېواد کې مالیه ورکړي او د دوه ځلې، مالیې ورکولو مخه باید ونیول شي.

د هرات ښاروالي له څوارلس میلیونه افغانیو ډېر عواید را ټول کړي

په هرات ښار کې یو میوه‌ پلورونکی غلام‌نبي وايي چې ښار زموږ خپل کور دی او ټول مسوولان او خلک یې د ساتلو مسوولیت لري.
هغه چې تازه د خپلې هټۍ مالیه د هرات ښاروالي ته ورکړې، د دغې ادارې له مسوولانو غواړي چې را ټولې شوې پیسې پر ښاري خدمتونو ولګوي.

د ټیلیفون پر کرېډېټ کارټونو د مالیې راټولو څرنګوالی روښانه نه دی

په هېواد کې د مخابراتي شبکو له قانون سره سم په ۱۳۹۴کال کې حکومت د مخابراتي شبکو پر پېرېدونکو ۱۰سلنه محصول ولګاوه. که څه هم له هغه وخت څخه تراوسه شپږ کاله تېریږي، خو لاهم په دې اړه ننګونه او پوښتنه دا ده چې دا پیسې چیرته ځي او څوک د موبایل کرېډټ کارټونو ۱۰سلنه مالیه راټوله وي.