په بغلان او سمنګان ولایتونو کې سېلابونو له درې ورځو راهیسې ۱۵ کسان مړه او ۵ نور ټپیان کړي دي. دغو سېلابونو د دغو ولایتونو اوسېدونکو ته سخت مالي زیانونه هم اړولي دي.

د سمنګان د کوز دره‌ صوف ولسوال عبدالیقین احمدي وايي، سېلابونو بېګاه په دې ولسوالي کې زر څاروي مړه کړي دي. د نوموړي په وینا، زر جریبه ځمکه، لسګونه د اوبو زېرمه کولو کوچني بندونه او سړکونه ویجاړ کړي او له بلخ ولایت سره د دې ولسوالي لویه لاره هم تړل شوې ده.

د سلام‌وطندار پښتو فېسبوک‌پاڼه وڅارئ

د سمنګان د طبیعي پېښو پر وړاندې د مبارزې آمریت اجرایوي مدیر عبدالمنان وايي، په سېلابونو کې تر اوسه د ښځو او ماشومانو په ګډون، ۱۴ کسان مړه او ۴ نور ټپیان شوي دي. د نوموړي په خبره، د لویو لارو تړل کېدو له کبله نه شي کولای خلکو ته مرستې ورسوي.



په همدې حال کې د بغلان د طبیعي پېښو پر وړاندې د مبارزې رییس مجیب‌الرحمان بهین وايي، د دغه ولایت په لس ولسوالیو کې د سېلابونو راوتلو له کبله نه یوازې یو کس مړ شوی او یو بل ټپي دی، بلکې ډېرې کرنیزې ځمکې او لویې لارې هم ویجاړې شوې دي.

هغه وايي، د یادو ولسوالیو له ډلې په درېوو هغو کې چې سېلابونو ډېرې زیانمنې کړي، د افغان ځواکونو او طالبانو ترمنځ سختې نښتې روانې دي او د جګړو له کبله نه شي کولای یادو ولسوالیو ته مرستې ولېږي.

د بغلان اوسېدونکي وايي، سره له دې چې څو ځله یې د دغه ولایت له محلي ادارې د یادو ولسوالیو د لویو لارو پرانېستلو په برخه کې د مرستې غوښتنه کړې، خو په وینا یې، تر اوسه یې په اړه هېڅ ګام نه دی اوچت شوی.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام