د وروستیو اورښتونو زیانمن له سړې هوا او د اوسېدو ځای نه لرلو شکایت کوي

د روانې اوونۍ د دوشنبې او سې‌شنبې په ورځو د هېواد په ۱۹ ولایتونو کې د سختو واورو او بارانونو له اورېدو او سېلابونو راوتلو وروسته د یوشمېر ولسوالیو اوسېدونکي وايي چې مینې په بشپړ یا هم نسبي ډول ورانې شوې دي.
په هرات او غزني کې د طبیعي پېښو له امله زیانمن شوي مریم او امیرمحمد وايي، اړ دي چې شپه او ورځ په ویجاړو کورونو یا ازاده فضا کې تېره کړي

کندهار کې د کورونو نړېدو پېښه کې دوه کسان مړه شوي

په کندهار کې د تېرو پرله‌پسې دوو ورځو سختو بارانونو یوشمېر کورونه نړولي او له کبله یې دوو کسانو خپل ژوند هم له لاسه ورکړی دی. د دغه ولایت مسوولان د دغه ولایت په بېلابېلو سیمو کې له راوتلو سېلابونو څخه د سلګونو کسانو د ژغورلو خبر هم ورکوي.

فاریاب کې واورې اورېدو د یوه کس ژوند اخیستی او سلګونه څاروي یې مړه کړي

د فاریاب محلي مسوولان په دغه ولایت کې د سختې واورې اورېدو له کبله د یوه کس د مړینې او سلګونو څارویو د له منځه تلو خبر ورکوي.
د فاریاب د والي ویاند عصمت‌الله مرادي رسنیو ته ویلي چې د دغه ولایت په قیصار ولسوالي کې د سختې واورې اورېدو له کبله یوه کس خپل ژوند له لاسه ورکړی دی.

د افغانستان او پاکستان ترمنځ دروازې له یوولس ورځو تړل کېدو وروسته پرانېستل شوې

پاکستاني ځواکونو د تېرې میاشتې په ۲۳مه نېټه د تورخم دروازه د باروړونکو موټرو پر مخ وتړله ځکه وتړله چې د افغان باروړونکو موټرو چلوونکو پاسپورټونه او د دغه هېواد ویزې نه لرلې. د ا.ا سرپرست حکومت هم ورته پرېکړه وکړه او د پاکستان د باروړونکو موټرو پر چلوونکو يې د پاسپورټ او ویزې شرط کېښود.

د تورخم دروازې د تړل کېدو دوام؛ د دوامدار حل لپاره د ګډ میکانیزم جوړېدو ته اړتیا ده

د افغانستان او پاکستان د سوداګرۍ د ګډو خونو مسوولان د باروړونکو موټرو پر مخ د تورخم دروازې د تړل کېدو له دوام سره هم‌مهاله وايي، د دې ستونزې د حل لپاره د یوه ګډ میکانیزم جوړېدو ته اړتیا ده او په خبره یې، د دواړو هېوادونو ترمنځ دې ګډ میکانیزم جوړ شي.

د غره نړیواله ورځ؛ کارپوهان: افغانستان غرنی هېواد دی، خو ګټه ترې نه‌ده اخیستل شوې

د چاپېریال ساتنې برخې کارپوهان د غره له نړیوالې ورځې سره هم‌مهاله وايي چې د افغانستان د غرني‌والي وضعیت ناسم مدیریت افغانان نورو هېوادونو ته اړ کړي دي. د دوی په وینا، د افغانستان ۷۵ سلنه برخه غرونه دي چې له کبله یې په هېواد کې پنځه اوبه‌يیزې حوزې جوړې دي او شپږ ډوله اقلیم لري.

د نوشابو او انرژیانو کارول؛ ډاکټران: د څو ډوله سرطان په ګډون د ۳۵ ناروغیو لامل کېږي

په هېواد کې د خلکو، په ځانګړې توګه ځوانانو له‌خوا د نوشابې او انرژي ډېر کارول نه یوازې زیات شوي، بلکې ځوانان پرې روږدي شوي هم دي. د کابل ښار يوشمېر ځوانان وايي، د خپلې تندې ماتولو او ستړيا دمه کولو لپاره بېلابېل ډوله نوشابې او انرژي کاروي.

د سپټمبر یوولسمې پېښې دوه‌ویشتمه کلیزه؛ شنونکي: افغانستان ته یې سخت زیانونه واړول

القاعده شبکې دوه‌ویشت کاله وړاندې د امریکا په نیویارک ښار کې پر سوداګریزو برجونو بریدونه وکړل چې د نړیوال امنیت او ترهګرۍ په اړه یې د نړۍ نظر بدل کړ. د القاعده شبکې له دغه برید وروسته، امریکا او د ناټو غړیو هېوادونو پر افغانستان برید وکړ .

د تورخم دروازې تړل کېدو سوداګرو ته بې‌ساري مالي زیانونه اړولي

ګڼ‌شمېر سوداګر او هېوادوال وايي چې د پاکستان له لوري د تورخم دروازې په تړل کېدو سره له ګڼو مالي او نورو ستونزو سره مخامخ شوي او په خبره یې، یاده دروازه د څلورمې ورځې لپاره هم تړلې پاتې شوه.
د دوی په وینا، نه یوازې ناروغان دغه هېواد ته له ورتګ پاتې دي، بلکې د ګڼو سوداګرو سوداګریز مالونه هم بند پاتې دي او سخت مالي زیانونه ورته رسېدلې دي.

پکتیکا کې سېلابونو دوه کسان مړه او درې نور ژوبل کړي

د پکتیکا ولایت د طبیعي پېښو پر وړاندې د مبارزې رییس مطیع‌الله منصور سلام‌وطندار ته ویلي چې پرون (د چنګاښ شپږمه، د سه‌شنبې ورځ) ماسپښین مهال د دغه ولایت په ارګون ولسوالي کې راغلي سېبلاب دوه کسان مړه او درې نور ژوبل کړي دي.

میدان‌وردګ کې سېلابونو خلکو ته درانه مالي زیانونه اړولي

د میدان‌ورګ د طبیعي پېښو پر وړاندې د مبارزې ریاست مسوولان وایي، پرون سه‌شنبه د سختو اورښتونو امله د دغه ولایت یوشمېر سیمو کې سېلابونه راوتلي چې د هستوګنیزو کورونو سربېره یې کرنیزو ځمکو ته هم زیانونه اړولي دي. پرون سه‌شنبه غور کې هم د اورښتونو له امله سېلابونه راوتلي و چې پر مهال یې شپږو کسانو خپل ژوند له لاسه ورکړی دی.

ترکیه کې زلزله‌ځپلي افغانان د خپلو اړتیاوو پوره کولو غوښتنه کوي

د ترکیې د هاتای ښار په اواکینټ سیمه کې وروستۍ زلزلې د زرګونو ترکانو ترڅنګ، سلګونو افغانانو ته هم د مرګ‌ژوبلې تر څنګ، مالي زیانونه اړولي دي.
دغه زلزله‌‌ځپلي افغانان چې له کلونو راهیسې په یاده سیمه کې اوسېږي، وايي چې وروستۍ زلزلې ورته ځاني او مالي زیانونه اړولي دي.

جوزجان کې سړو څه کم درې‌نیم زره څاروي مړه کړي

د جوزجان د طبیعي پېښو پر وړاندې د مبارزې رییس سراج‌الدین سراجي سلام‌وطندار ته ویلي چې د دغه ولایت په خماب، فیض‌اباد، خواجه‌دوکوه، قوش‌تپې، درزاب، مردیان، منګجیک، اقچې، قرقین او خانقاه ولسوالیو کې ۳۴۰۷ څاروي د سختو سړو له کبله مړه شوي دي.