د سالنګ لویې لارې مسوولان د بغلان ولایت په خنجان ولسوالي کې د ټرافیکې پېښې له کبله شپږ کسانو ته د مرګژوبلې اوښتو خبر ورکوي.
د سالنګ لویې لارې د ساتنې رییس ابومحمد حافظ محمدیعقوب د دغه خبر د تایید ترڅنګ، سلاموطندار ته ویلي چې یو لنډکروزر موټر نن ماښام شاوخوا شپږنیمې بجې پر لاره د ګړندي تګ او د موټرچلوونکي د بېغورۍ له کبله له یوه ټېلر سره ټکر کړی دی.
هغه وايي، دغه موټر له شمال نه سوېل ته روان و چې له ټېلر سره ټکر شوی او له کبله یې په لنډکروزر کې ناست درې کسان وژل شوي او درې نور ټپیان دي.
د سلاموطندار پښتو فېسبوکپاڼه وڅارئ
نوموړی که څه هم په دې اړه نور جزیات نه ورکوي، خو زیاتوي چې د پېښې ټپیان یې د بغلان ملکي روغتون او دوشاخ کلینیک ته لېږدولي دي.
