د فاریاب د اطلاعاتو او کلتور رییس شمسالله محمدي وايي چې دوه سراچه ډوله موټرو نن مازدیګر شاوخوا څلور بجې د دغه ولایت د خواجهسبزپوش ولسوالي د «خواجهقشري» په دوهلارې کې ټکر کړی دی.
د نوموړي په وینا، په دې پېښه کې څلور کسان چې دوه یې نارینه، یوه ښځه او یو ماشوم دی، مړه او د ښځو او ماشومانو په ګډون لس نور ټپیان دي.
هغه زیاتوي چې د دې ټرافیکي پېښې د یوشمېر ټپیانو روغتیايي وضعیت هم نازک دی.
د یادونې ده چې په وروستیو میاشتو کې د هېواد په بېلابېلو ولایتونو کې ټرافیکي پېښې زیاتې شوي چې له کبله ګڼشمېر کسانو ته مرګژوبله هم اوښتې ده.
