د امريکا ولسمشر ډونالډ ټرمپ اعلان ویلي چې ایران سره د دوه اوونیو اوربند به تر هغې وغځوي، څو تهران خپل وړاندیز وړاندې کړي او روانې خبرې پایلې ته ورسېږي.
ټرمپ ویلي، دا پرېکړه د سیمې د حالاتو او د پاکستان د مشرانو په غوښتنه شوې، څو د ایران استازي د یو ګډ وړاندیز پر سر هوکړې ته ورسېږي.
هغه ټینګار کړی چې امریکايي ځواکونه به د اوربند ترڅنګ بشپړ چمتووالی وساتي.
ډونالډ ټرمپ نن چهارشنبه د اپرېل ۲۲ پر ټولنيزو رسنيو يوه پوسټ کې ويلي: «د پاکستان عاصم منير او لومړي وزير شهباز شريف له موږ غوښتي چې تر هغه پر ایران بریدونه وځنډوو چې تر څو د هغوی مشران او استازي يو ګډ وړانديز وړاندې کړي.»
ایران لا تراوسه په دې اړه رسمي غبرګون نه دی ښودلی، خو وړاندې په ملګرو ملتونو کې د ایران استازي ويلي وو، کله چې کلابندي لرې کړل شي، د خبرو بل پړاو به په اسلاماباد کې پیل شي.
امریکا او ایران د روانې اپرېل میاشتې په ۸مه د دوو اونیو لپاره اوربند کړی وو چې نن چهارشنبه پایته رسېده.