د کورنیو چارو وزارت مسوولانو ویلي چې د دغه وزارت امنیتي منسوبینو په کابل کې د ټابلېټK د پلور او قاچاق په تور د یوې مېرمنې په ګډون دوه پاکستانیان چې خور او ورور دي، نیولي دي.
د کورنیو چارو وزارت پر خپله ټوېټرپاڼه د نیول شویو کسانو د یوې ویډیو په خپرولو سره ویلي چې دغه کسان یې د کابل ښار د پنځلسمې امنیتي حوزې اړوند سیمه کې له نږدې ۳۰۰۰ ټابلېټK ګولیو سره یوځای نیولي دي.
په ویډیو کې نیول شویو کسانو پر خپل جرم اعتراف کړی او ویلي یې دي چې له تېرو پنځو کلونو راهیسې یې د نشهيي توکو قاچاق او کاروبار کاوه.
