سي‌ان‌ان خبري شبکې رپوټ ورکړی چې د ولسمشر جو بایډن ادارې درېوو سرچینو د دغه هېواد قانون جوړونکو ته ویلي، افغانستان کې د پوځي او اطلاعاتي عملیاتو ترسره کولو په موخه د پاکستان له هوايي حریم څخه د استفادې لپاره له دغه هېواد سره رسمي هوکړې ته د نږدې کېدو په حال کې دي.

رپوټ کې ویل شوي، په دې تړاو خبرې روانې دي، خو د هوکړې شرایط چې تراوسه وروستي شوي نه‌دي، ښايي بدلون وکړي.

د سلام‌وطندار پښتو فېسبوک‌پاڼه وڅارئ

سي‌ان‌ان لیکلي، پاکستان هم د ترهګرۍ ضد اقداماتو او له هند سره د اړیکو مدیریت کې د مرستې په بدل کې د یوې هوکړې لاسلیک ته لېوالتیا ښکاره کړې.

د سي‌ان‌ان خبري شبکې رپوټ کې همداراز ویل شوي، سپینه ماڼۍ هڅه کوي ډاډ ترلاسه کړي چې کولای شي افغانستان کې د داعش او نورو مخالفو ډلو پر ضد عملیات وکړي، خو له رسمي هوکړې پرته دا ګواښ شته چې پاکستان افغانستان ته د امریکا د بې‌پیلوټه الوتکو له دننه کېدو څخه مخنیوی وکړي.

سلام‌وطندار پر ټویټر هم وڅارئ

دا په داسې مهال دی چې له دې وړاندې طالبانو د افغانستان پر فضا د بې‌پیلوټه الوتکو ګرځېدو او د امریکا له خوا د هوايي حریم نقض په تړاو خبرداری ورکړی وو.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام