د ایران ولسمشر سیدابراهیم رییس د امریکا د ولسمشر جو بایډن د ایران د ازادېدو په اړه خبرو پر وړاندې غبرګون ښودلی دی.
هغه نن جمعه په دغه هېواد کې د زدهکوونکي ورځې په مناسبت جوړې شوې غونډې ته د وینا پر مهال ویلي چې ایران ۴۳ کاله مخکې ازاد شوی دی.
نوموړي جو بایډن ته په خطاب کې ویلي: «ایران ۴۳ کاله مخکې ازاد شو او ژمن دی چې امریکا ته سر ټیټ نه کړي او موږ به هېڅکله شیدې ورکوونکې غوا ونه ګرځو.»
د امریکا ولسمشر جو بایډن د پنجشنبې ورځې په یوه ټاکنیزه غونډه کې د خبرو پر مهال چې ایراني معترضانو پهکې ګډون کړی و، ویلي و چې ایران به ازادوي. هغه زیاته کړې وه چې ایراني معترضان به خپله دغه هېواد ازادوي.
د ایران ولسمشر ویلي چې هېواد یې د امریکا له ګواښونو او بندیزونو نه وېرېږي.
د سلاموطندار پښتو فېسبوکپاڼه وڅارئ
هغه پر امریکا تور لګولی چې ایران کې یې د پرمختګ بهیر له خنډ او ځنډ سره مخ کړی او دغه هېواد یې څنډې ته کړی دی.
