«د اقلیمي بدلون پر وړاندې مبارزه کې د افغانستان یوازې پرېښودل به ناوړه پایلې ولري»

په افغانستان کې د ملګرو ملتونو ځانګړې استازولۍ یا یوناما په افغانستان کې د اقلیمي بدلون سره د مبارزې په برخه کې د مالي مرستو د ځنډېدو په اړه اندېښنه ښودلې ده. د دې تر څنګ، د چاپېریال ساتنې ملي ادارې هم په هېواد کې د چاپېریال ساتنې اړوند پروژو د ځنډېدو ناوړه پایلو په اړه خبرداری ورکوي.

د افغانستان ماتېدونکي روغتیايي او اقتصادي وضعیت په اړه د سره صلیب خبرداری

د سره صلیب نړیوال فدراسیون او د سرې میاشتې ټولنې د لیندۍ په پنځمه، د یکشنبې ورځ د ۲۰۲۳ لومړنیو شپږو میاشتو پر مهال د افغانستان وضعیت په اړه یو راپور خپور کړی چې په‌کې د افغانانو د ماتېدونکي روغتیايي، اقتصادي او خوړو په اړه خبرداری ورکړل شوی دی.

هرات کې د موسیقۍ الات وسوځول شول

د هرات محلي مسوولان وايي چې د دغه ولایت له مرکز او ولسوالیو څخه راټولې کړې د موسیقۍ الې یې سوځولې دي.

د هرات د امربالمعروف او نهې‌ عن‌المنکر ریاست مسوولانو زیاته کړه چې دغه ولایت کې د موسیقۍ الاتو له پلورونکو سره به قانوني چلن کوي.

د هرات د امربالمعروف او نهې عن‌المنکر رییس عزیزالرحمن المهاجر سلام‌وطندار ته ویلي چې موسیقي اورېدل حرامه ده او په وینا یې، پلورونکو سره به یې قانوني چلن وکړي.

د هواپېژندنې ریاست په ۱۶ ولایتونو کې د سختو بادونو او دوړو اټکل کړی

د هواپېژندنې ریاست مسوولان د هېواد په بېلابېلو ولایتونو کې د روان میلادي کال تر سپټمبر میاشتې پورې د پیل شویو بادونو او دوړو د دوام خبرداری ورکوي. د کندوز اوسېدونکی عبدالکریم وايي چې دغه بادونه په تېرو دوو ورځو کې شدید شوي چې له امله یې زیانونه هم اړولي دي.

د خوړو نړیوال پروګرام: په څو ورځو کې به پر نهه میلیونه افغانانو مرستې ودرېږي

د خوړو نړیوال پروګرام یا «WFP» تېره ورځ پر خپلې ټویټرپاڼه خبرداری ورکړی چې که تر راتلونکو څو ورځو پورې ورته په بیړنۍ توګه بودیجه ونه ‌رسېږي، افغانستان کې به یې پر نهه میلیونه اړمنو افغانانو د مرستو وېش ودرېږي.

د افغان ښځو د کار له منځه تلو په اړه د ملګرو ملتونو خبرداری

د ملګرو ملتونو د کډوالۍ عالي کمېشنري د وري په اوومه، د دوشنبې ورځ په یوه راپور کې ویلي چې واک ته د اسلامي امارت له رسېدو وروسته په افغانستان کې د ښځو کار له منځه تلو سره مخ دی. د دغه راپور پر بنسټ، پر ښځینه‌وو د محدودیتونو لګېدل او د ښځو د اقتصادي فعالیتونو کموالی لامل شوی چې په وروستیو دوو کلونو کې د افغانستان کورني ناخالص تولیدات له ۳۰ تر ۳۵ سلنې کم شي.

د خوړو نړیوال پروګرام: میلیونونه افغانان د لوږې له ګواښ سره مخامخ دي

د خوړو نړیوال پروګرام پرون پر ټویټر لیکلي، که افغانان د اړتیا وړ مرستې ترلاسه نه کړي، په راتلونکو ورځو کې به نهه میلیونه کسان د لوږې له ګواښ سره مخامخ شي. د خوړو نړیوال پروګرام رییس ډېوېډ بسلي ویلي، نړۍ نه‌شي کولای په دې بې‌مخینې ناورین کې افغانان هېر کړي.

د اوبو نړیواله ورځ؛ ملګرو ملتونو په نړۍ کې د اوبو د بېړني مدیریت غوښتنه وکړه

د مارچ دوه‌ویشتمه د اوبو نړیواله ورځ ده. د ملګرو ملتونو او د دغه سازمان ښوونیزې، علمي او کلتوري څانګې یا یونسکو د یوه ګډ راپور په خپرولو سره په نړۍ کې د اوبو لا کمېدو په اړه خبرداری ورکړی دی.
د ملګرو ملتونو سرمنشي انټونیو ګوټرېش ویلي چې په تلپاتې توګه د اوبو نه کارېدو، د هوا ککړتیا او ناکنټرول شوې تودوخې له کبله د انسانانو ژوند په ورکېدو دی.

د کابل او هلمند سیندیزو حوزو کې د اوبو کچې را پورته کېدو په اړه خبرداری

د اوبو او برښنا وزارت د نشراتو رییس غلام‌جیلاني حقپرست سلام‌وطندار ته ویلي چې د باران اورېدو او د واورې ویلې کېدو له کبله به د هلمند، ترینکوټ، ارغنداب، غزني، لوګر، کابل، خوست، پکتیا، غوربند، پنجشېر او لغمان سیندونو کې سېلابونه راشي او د اوبو کچه به لوړه شي.

بلېنکن: که پر افغان ښځو لګېدلي محدودیتونه لرې نه‌شي، پر ا.ا به نور فشار هم راوړو

د امریکا د بهرنیو چارو وزیر انټوني بلېنکن سیمې ته د افغانستان لپاره د دغه هېواد د ځانګړي استازي ټوماس وېسټ له سفر سره هم‌مهاله ویلي، که ا.ا پر افغان ښځو لګېدلي محدودیتونه لرې نه کړي، نور فشار به هم پرې راوړي. خو د ا.ا د ویاند مرستیال بلال کریمي وايي، د ملي ګټو او اسلامي ارزښتونو پر بنسټ به خپلې تګلارې ته دوام ورکړي.

د روغتیا نړیوال سازمان: نړۍ کې پنځه میلیونه ماشومان له پنځه کلنۍ مخکې مړه کېږي

د روغتیا نړیوال سازمان په یوه راپور کې ویلي، ۲۰۲۱ کال کې پنځه میلیونه ماشومان پنځه کلنۍ ته له رسېدو مخکې مړه شوي دي. د یاد سازمان راپور چې پرون سه‌شنبه د مرغومې ۲۰مه خپور شوی، په‌کې ویل شوي چې دغه کال کې ۲.۱ میلیونه هغه ماشومان او ځوانان چې عمرونه یې له پنځو تر ۲۴ کلونو وو، خپل ژوند له لاسه ورکړی دی.