د سولې په چارو کې د دولت وزارت مسوولانو نن کابل کې یوې خبري غونډې ته وویل چې د روان لمریز کال لومړیو څلورو میاشتو کې پر امنیتي ځواکونو د وسله‌والو طالبانو د بریدونو له امله ۵ زره او ۵۸۷ ملکیانو ته مرګ‌ژوبله اوښتې ده.

له دې ډلې ۲۵۶۶ ملکیان وژل شوي او  ۰۲۱ ۳ نور ملکي وګړي ټپیان دي.

د سلام‌وطندار پښتو فېسبوک‌پاڼه وڅارئ

د سولې په چارو کې د دولت وزارت له خوا خپره شوې خبرپاڼه کې ویل شوي چې د روان ۱۴۰۰م لمریز کال لومړیو څلورو میاشتو کې طالبانو پر امنیتي او دفاعي ځواکونو ۲۰۰۰ بریدونه کړي دي.

د سولې په چارو کې د دولت وزارت د اوربند او د تاوتریخوالي پر کمولو د څار رییس سید عبدالله هاشمي وايي: «د سږ کال څلورو میاشتو کې په ټوله کې ۵ زره او ۵۸۷ ملکیانو ته مرګژوبله اوښتې. د وژل شوو شمېر ۲ زره او ۵۶۶ او د ټپیانو هم ۳ زره او ۲۱ ته رسیږي. د وژل شوو ډله کې یو زر او ۴۴۶ نارینه، ۶۵۰ ښځې او ۹۲۵ ماشومان دي، چې د جګړو په دلیل یې ژوند له لاسه ورکړی.»



د سولې په چارو کې د دولت وزارت خبرپاڼه کې همداراز راغلي چې وسله‌والو طالبانو د بیان ازادي محدوده کړې، د ښځو لپاره یې فضا تیاره کړې او ان پر خیریه بنسټونو او عمومي تاسیساتو یې هم زړه نه دی خوږولی.

د سولې په چارو کې د دولت وزارت د شمېرو له مخې، په دغه موده کې نږدې ۲۴ زره او ۶۰۹ طالبانو ته هم مرګ‌ژوبله اوښتې ده.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام