د کرنې اوبو لګولو او مالدارۍ وزارت نن د هرات-اسلام‌‌قلعه پر لویه لار د مسلخ په سیمه کې د څارویو د حلالولو معیاري ځای یا مسلخ ګتې اخیستنې ته وسپاره.

د دغه وزارت مسوولان وایي چې د دې مسلخ په پرانیستو سره به د هرات په ښار کې د څارویو د حلالې مخه ونیول شي او له څارویو څخه انسان ته د لېږدونکو ناروغیو مخنیوی به هم وشي.

د کرنې اوبو لګولو او مالدارۍ وزارت مرستیال حشمت‌‌الله غفوري وایي، په دغه مسلخ کې په یوه وخت کې د ۱۰۰غواګانو او ۵۰۰ پسونو د حلالولو ظرفیت او ځای شته دی.

دغه مسلخ چې نږدې ۶میلیونه ډالره لګښت پرې راغلی، د څلورو کلونو په موده کې په ۲۵جرېبه ځمکه کې جوړ شوی او ټول لګښت یې د نړیوال بانګ له لوري ورکړل شوی دی.

د سلام‌وطندار پښتو فېسبوک‌پاڼه وڅارئ

د څارویو د حلالولو دغه مسلخ یو معیاري ازمایښت‌ځای، سړه خونه او یخچالي موټرهم لري.

د غفوري په وینا، په دې مسلخ کې د څارویو د حلالې ترڅنګ، د حیواناتو پوستکي، وړۍ، وینه، هډوکي او کولمې هم په معیاري توګه مدیریت کېږي. د څارویو په دې حلاله ځای یا مسلخ کې به په لومړیو کې امنیتي ځواکونو ته خوښه چمتو کېږي او وروسته به د خلکو د اړتیا برابرولو لپاره چمتو شي.

د هرات والي سید‌عبدالوحید قتالي وایي، له دې وروسته هېڅوک د دې حق نه لري چې په ښار کې دننه په خپل سر څاروي حلال کړي.

په همدې حال کې په هرات کې یو‌شمېر قصابان د کرنې وزارت له دې کار څخه خوښي څرګندوي او وایي، تراوسه یې څاروي په غیري معیاري او له روغتیایي لارښوونو پرته حلالول.

د دې مسلخ له پرانیستو سره هم‌مهاله د کرنې اوبو لګولو او مالدارۍ وزارت په هرات ولایت کې د ۱۲۸میلیونه افغانیو په ارزښت د اوبو د مدیریت د ۸ پروژو د بنسټ ډبره هم کېښودله.

پدې خبر پورې اړوند:

کلیدواژه‌ها: // // // //

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام